ഗാര്‍ലന്റ്(ഡാളസ്): ഇന്ത്യ പ്രസ് ക്ലബ് ഓഫ് നോര്‍ത്ത് അമേരിക്ക ഡാളസ് ചാപ്റ്റര്‍ 2014 വര്‍ഷത്തെ പ്രവര്‍ത്തനോല്‍ഘാടനം ഏപ്രില്‍ 26 ശനിയാഴ്ച വൈകീട്ട് 5.30ന് ഗാര്‍ലാന്റ് ബെല്‍റ്റ് ലൈനിലുള്ള ഇന്ത്യ കള്‍ച്ചറല്‍ ആന്റ് എഡുക്കേഷന്‍ സെന്റ് ഓഡിറ്റോറിയത്തില്‍ വെച്ചു നടത്തപ്പെടും.
ഉല്‍ഘാടന സമ്മേളത്തില്‍ യൂണിറ്റ് പ്രസിഡന്റ് ജോസ് പ്ലാക്കാട്ട് അദ്ധ്യക്ഷത വഹിക്കും. സാമൂഹ്യ- സാംസ്‌ക്കാരിക പ്രവര്‍ത്തകര്‍, ഫോമാ- ഫൊക്കാന നേതാക്കള്‍ തുടങ്ങിയവര്‍ ആശംസകള്‍ അര്‍പ്പിച്ചു സംസാരിക്കും.
തുടര്‍ന്ന് ദൃശ്യ-അച്ചടി മാധ്യമ രംഗത്തെ നൂതന പ്രവര്‍ത്തനങ്ങളെ കുറിച്ചുള്ള സിംപോസിയവും, ചര്‍ച്ചകളും നടക്കും. ചര്‍ച്ചയില്‍ പ്രബന്ധം അവതരിപ്പിക്കുന്നത് പ്രമുഖ പത്രപ്രവര്‍ത്തകന്‍ വാഷിംഗ്ടണ്‍ ഡി.സി.യില്‍ നിന്നുള്ള ആസിഫ് ഇസ്മായേലാണ്.
സമ്മേളനത്തിലേക്ക് ഏവരേയും സ്വാഗതം ചെയ്യുന്നതായി സെക്രട്ടറി ബിജിലി ജോര്‍ജ്, ട്രഷറര്‍ റ്റി.സി. ചാക്കോ എന്നിവര്‍ അറിയിച്ചു.
Comments