ഷിക്കാഗോ: ഫോമാ ഷിക്കാഗോ റീജിയന്റെ ആഭിമുഖ്യത്തില്‍ നടത്തുന്ന യൂത്ത്‌ ഫെസ്റ്റിവല്‍ ഒക്‌ടോബര്‍ അഞ്ചാം തീയതി സീറോ മലബാര്‍ ഹാളില്‍ വെച്ച്‌ രാവിലെ 9 മണി മുതല്‍ 6 മണിവരെ നടത്തപ്പെടുന്ന മത്സരങ്ങളുടെ രജിസ്‌ട്രേഷന്‍ സെപ്‌റ്റംബര്‍ 28-ന്‌ മുമ്പായി സമര്‍പ്പിക്കേണ്ടതാണ്‌. മലയാളം- ഇംഗ്ലീഷ്‌ പ്രസംഗ മത്സരത്തിന്റെ വിഷയങ്ങള്‍ ഇപ്രകാരമാണ്‌. സബ്‌ ജൂണിയേഴ്‌സിനു മലയാളത്തില്‍ `ആരോഗ്യമാണ്‌ സമ്പത്ത്‌', ഇംഗ്ലീഷില്‍ `Health is Wealth '. ജൂണിയേഴ്‌സിന്‌ മലയാളത്തില്‍ `അമേരിക്കന്‍ സംസ്‌കാരത്തില്‍ ഭാരതത്തിന്റെ മൂല്യങ്ങള്‍ എങ്ങനെ ഉയര്‍ത്തിപ്പിടിക്കാം, ഇംഗ്ലീഷില്‍ `How Can We Uphold Indian Moral Values in American Culture' എന്നിവയും കൂടാതെ സ്‌പെല്ലിംഗ്‌ ബീ മത്സരങ്ങളുടെ വാക്കുകള്‍ ഉള്‍ക്കൊള്ളുന്ന ഇന്‍ഫര്‍മേഷനുകളും ലഭ്യമാണ്‌. രണ്ട്‌ വിഭാഗങ്ങളിലും ഒന്നാം സ്ഥാനം കരസ്ഥമാക്കുന്ന വിജയികള്‍ക്ക്‌ ക്യാഷ്‌ അവാര്‍ഡ്‌ നല്‍കുന്നതാണ്‌. നൃത്ത-നൃത്തേതര ഇനങ്ങളില്‍ പങ്കെടുക്കുവാന്‍ ആഗ്രഹിക്കുന്ന മത്സരാര്‍ത്ഥികള്‍ 28-ന്‌ മുമ്പ്‌ രജിസ്റ്റര്‍ ചെയ്യേണ്ടതാണെന്ന്‌ ഭാരവാഹികള്‍ അറിയിച്ചു. കൂടുതല്‍ വിവരങ്ങള്‍ക്ക്‌: ജോസി കുരിശിങ്കല്‍ (773 478 4357), സിനു പാലയ്‌ക്കാത്തടം (847 529 4607), ജോജോ വെങ്ങാന്തറ (847 323 6375), ജോണ്‍സണ്‍ കണ്ണൂക്കാടന്‍ (847 477 0564), സാം ജോര്‍ജ്‌ (773 671 6073). സിനു പാലയ്‌ക്കാത്തടം അറിയിച്ചതാണിത്‌.