ജോയിച്ചന്‍ പുതുക്കുളം

 

100ഗ്രാമങ്ങളില്‍ മെഡിക്കല്‍ ക്യാമ്പുകളിലൂടെ ആരോഗ്യത്തിനു ഉണര്‍വേകുന്ന പദ്ധതിയുമായി ഫോമാ. ധനമന്ത്രി ഡോ. തോമസ് ഐസക്ക്ഉദ്ഘാടനം ചെയ്ത ഫോമാ കേരള കണ്‍വെന്‍ഷനില്‍ രാജു എബ്രഹാം എംഎല്‍എഫ്ളാഗ് ഓഫ് ചെയ്ത മെഡിക്കല്‍ വാഹനം കേരളത്തിലെ തെരഞ്ഞെടുത്ത 100ഗ്രാമങ്ങളിലൂടെ സഞ്ചരിച്ച് ഏറ്റവും നല്ല 'ഹെല്‍ത്തി' വില്ലേജിനെതെരഞ്ഞേടുക്കുന്നതാണ്. പ്രത്യേകം രൂപകല്‍പന ചെയ്ത മെഡിക്കല്‍ വാഹനത്തില്‍ മെഡിക്കല്‍ ക്യാമ്പിനും, മെഡിക്കല്‍ എഡ്യൂക്കേഷനും വേണ്ട എല്ലാ ഉപകരണങ്ങളും ഉണ്ട്

 

ഫോമാ പ്രസിഡന്റ് ഫിലിപ്പ് ചാമത്തിലിന്റെ നേതൃത്വത്തില്‍ ആരംഭിച്ചിരിക്കുന്ന ഈ സോഷ്യല്‍ പ്രോജക്ടിന് എല്ലാ പ്രവാസികളുടെയുംസഹായം അഭ്യര്‍ത്ഥിക്കുന്നു. വിജയികള്‍ക്ക് ഫോമാ കണ്‍വെന്‍ഷന്‍ 2020 ല്‍സമ്മാനം വിതരണം ചെയ്യുന്നതാണ് . ഫ്ലാഗ് ഓഫിനോടനുബന്ധിച്ചു മെഡിക്കല്‍ ക്യാമ്പും,എഞ്ചിനീയറിംഗ് സ്റ്റുഡന്റസ് ഡിസൈന്‍ ചെയ്ത ഫാബ് ലാബിന്റെ പ്രദര്‍ശനവും ഉണ്ടായിരുന്നു.

 

ഫിലിപ്പ് ചാമത്തില്‍, സണ്ണി വള്ളിക്കളം, അനിയന്‍ ജോര്‍ജ് , ഷോജി മാത്യു , പ്രേം, ജിബി വര്‍ഗീസ് , ജിസ്മോന്‍, ജെയിന്‍ മാത്യൂസ്,വിന്‍സന്റ് ബോസ് മാത്യു, സാജു ജോസഫ്, തുടങ്ങിയവര്‍ നേതൃത്യം നല്‍കി.

 

കേരള കണ്‍വെന്‍ഷനില്‍ പങ്കെടുത്ത അനേകം പ്രവാസി അംഗങ്ങള്‍ അവരവരുടെ ഗ്രാമങ്ങള്‍ സ്പോണ്‍സര്‍ ചെയ്യുവാന്‍ മുന്നോട്ട് വരികയുണ്ടായി. പത്തിലധികം ഗ്രാമങ്ങള്‍ ഉടന്‍ ഈ പദ്ധതിയില്‍ തുടങ്ങുന്നതാണ് . ഒരു മെഡിക്കല്‍ ക്യാമ്പ് സ്പോണ്‍സര്‍ ചെയ്യുവാന്‍300 ഡോളര്‍മാത്രമാണ് ചിലവുവരുന്നത്. പ്രവാസികള്‍ക്ക് അവരുടെ നാട്ടില്‍ ചെയ്യാവുന്ന ഏറ്റവും നല്ല ഒരുസോഷ്യല്‍ പ്രൊജക്റ്റാണ്‍ ഇതെന്നാണു എല്ലാ പ്രവാസികളും അഭിപ്രായപ്പെട്ടത്.

 

വൈക്കത്തുനിന്നുള്ള അമേരിക്കന്‍ പ്രവാസികളുടെ കൂട്ടായ്മയായ വിശ്വാസ് ചാരിറ്റബിള്‍ ട്രസ്റ്റ് പയസ് തൊട്ടുകണ്ടത്തിലിന്റെ നേത്രത്തില്‍ വടയാര്‍തലയോലപ്പറമ്പ് ഭാഗങ്ങളില്‍ 10 മെഡിക്കല്‍ ക്യാമ്പും ചാരിറ്റബിള്‍ ക്ലിനിക്കും തുടങ്ങുവാന്‍ മുന്‍പോട്ടു വന്നിട്ടുണ്ട്. 

 

* പ്രത്യേകമായി രൂപകല്‍പന ചെയ്ത മെഡിക്കല്‍ ബസ്

*പ്രിന്റ് , വീഡിയോദ്രുശ്യമാധ്യമ കവറേജ്

* ഇവന്റ് ലൈവ് മീഡിയ കവറേജ്

* ലോകമാകെയുള്ള പ്രവാസി മലയാളികളുടെ കൂട്ടായ സാന്നിധ്യം

*സ്‌കൂള്‍, കോളേജ് കാമ്പുസുകളുടെ ആക്ടിവിറ്റി

* എല്ലാ ജില്ലകളിലും പ്രശസ്തരായ അംബാസഡര്‍മാര്‍

 

*200 മെഡിക്കല്‍ ക്യാമ്പുകള്‍

* 14 ജില്ലാ പരിപാടികള്‍

* സംസ്ഥാന മെഗാ ഇവന്റ്

* 100 ഗ്രാമീണ ആരോഗ്യബുക്കുകള്‍

* 200 സന്നദ്ധ സംഘടനകള്‍

* ലൈവ് മീഡിയകവറേജ്

* അമേരിക്കന്‍അവാര്‍ഡുകള്‍

 

ഈ പദ്ധതിയില്‍ നിങ്ങളുടെ നാടും ഉള്‍പ്പെടുത്തുവാന്‍ ഫോമയുമായോ കേരളത്തിലുള്ള ഹെല്‍ത്തി സൊസൈറ്റിയുമായോ ബന്ധപ്പെടാവുന്നതാണ് ഫോണ്‍: 1 8472614361.