റ്റാമ്പാ : തുടർച്ചയായി മൂന്നാം വർഷവും എം.എ.സി.ഫ്. റ്റാമ്പായുടെ  ഓണത്തിന് മെഗാ തിരുവാതിര അവതരിപ്പിച്ചു കൊണ്ട് എല്ലാവരെയും അമ്പരപ്പിക്കുകയാണ് എം എ സി ഫ് വുമൺ'സ് ഫോറം ഭാരവാഹികൾ.

 

ഇതിനുള്ള തയാറെടുപ്പുകൾ അതാത്‌ വര്ഷം മാർച്ചിൽ ആരംഭിക്കും. ഇരുന്നൂറിനും മുന്നൂറിനും ഇടയിലായി പങ്കെടുക്കുന്നവരുടെ വേഷവിധാനങ്ങൾ ഇന്ത്യയിൽ നിന്നാണ് അമേരിക്കയിലെത്തിക്കുന്നത്.

 

2017 ൽ തിരുവാതിര മാത്രം അവതരിപ്പിച്ചപ്പോൾ, 2018 ൽ മോഹിനിയാട്ടവും തിരുവാതിരയും ഒരുമിച്ചു അവതരിപ്പിച്ചു. എന്നാൽ ഈ വര്ഷം തിരുവാതിരക്കൊപ്പം , മോഹിനിയാട്ടം , ഭരതനാട്യം , നാടോടിനൃത്തം ,ഒപ്പന, മാർഗ്ഗംകളി എന്നിവയും അവതരിപ്പിക്കുന്നുണ്ട് . ഏകദേശം 90 മിനിട്ടോളം നീണ്ടു നിൽക്കുന്ന മെഗാ പരിപാടിയാണ് അവതരിപ്പിക്കപ്പെടുന്നത്.

 

 

 

ഈ വർഷത്തെ മെഗാ തിരുവാതിരയുടെ നൃത്തസംവിധാനം നിർവഹിച്ചിരിക്കുന്നത് അഞ്ജന ഉണ്ണികൃഷ്ണനാണ്. തിരുവാതിരയുടെ കോർഡിനേറ്റർസ് സംഗീത ഗിരിധരനും , വിദ്യ ചന്ദ്രകാന്തുമാണ് .

 

അമേരിക്കയിലെ തിരക്കുള്ള ഔദ്യോധിക ജീവിതത്തിനിടയിലും മലയാളി സമൂഹത്തിലെ ഈ ഉത്സവത്തിനായി സമയം നീക്കിവെച്ച ഇവരെ മലയാളി അസോസിയേഷൻ അഭിനന്ദിക്കുന്നു.

 

കഴിഞ്ഞ മൂന്നു വർഷമായി ഓണത്തിന്റെ ഏറ്റവും ആകര്‍ഷകമായ ഘടകമായ മെഗാനൃത്തത്തിനു ചുക്കാൻ പിടിക്കുന്നവർ അഞ്ജന കൃഷ്ണൻ , സാലി മച്ചാനിക്കൽ, അനീന ലിജു , ഷീല ഷാജു , ഡോണ ഉതുപ്പാൻ , ജെസ്സി കുളങ്ങര തുടങ്ങിയവരാണ്..

 

 

 

ആഗസ്റ്റ് 24 നു റ്റാമ്പായിലുള്ള ക്നാനായ കമ്മ്യൂണിറ്റി സെന്ററിൽ നടക്കുന്ന പരിപാടിയിലെ മുഖ്യാഥിതി ഫോമാ പ്രസിഡന്റ് ഫിലിപ്പ് ചാമത്തിലാണ്. പരിപാടിയിലേക്ക് റ്റാമ്പായിലും പരിസര പ്രദേശങ്ങളിലുമുള്ള എല്ലാ നല്ലവരായ നാട്ടുകാരെയും സ്നേഹാദരുവുകളോടെ സ്വാഗതം ചെയ്യുന്നതായി ഭാരവാഹികൾ അറിയിച്ചു.