ന്യൂ ജേഴ്‌സി : പ്രമുഖ മലയാള സിനിമ താരങ്ങളും മലയാള സിനിമാ രംഗത്തെ നൃത്ത ഹാസ്യ താരങ്ങളും   പങ്കെടുക്കുന്ന സ്റ്റേജ് ഷോ 'പൂരം' ന്യൂ ജേഴ്‌സിയിൽ അരങ്ങേറുന്നു, 2019  നവംബർ രണ്ട്  ശനിയാഴ്ച  ഫ്രണ്ട്സ്  ഓഫ് ന്യൂ ജേഴ്‌സി യുടെ ആഭിമുഖ്യത്തിൽ ന്യൂ ജേഴ്‌സി എഡിസണിലുള്ള വൂഡ്ബ്രിഡ്‌ജ് ഹൈ സ്കൂളിൽ വച്ചാണ് സുരാജ് വെഞ്ഞാറമൂടും ടിനി ടോമും പ്രമുഖ യുവ ഗായകൻ വൈഷ്ണവ് ഗിരീഷ്, സാരയുവും ഇനിയയും  പ്രമുഖ മെന്റലിസ്റ് നിപിൻ  നിരവത്ത് തുടങ്ങി അനേകം താരങ്ങൾ പങ്കെടുക്കുന്ന ഈ വർഷത്തെ ഏറ്റവും മികച്ച കലാസന്ധ്യ അരങ്ങേറുന്നത്, പ്രസ്തുത പരിപാടിയുടെ ടിക്കറ്റ് കിക്ക്‌ ഓഫ് ചടങ്ങ് കഴിഞ്ഞ ദിവസം ന്യൂ ജേഴ്‌സിയിൽ പ്രമുഖ നർത്തകിയും നൃത്താധ്യാപികയുമായ  മാലിനി നായരുടെ ഉടമസ്ഥതയിലുള്ള  സൗപർണിക ഡാൻസ് അക്കാദമിയിൽ വച്ച് നടത്തപ്പെടുകയുണ്ടായി, സഹൃദയരായ ഒരു കൂട്ടം ന്യൂ ജേഴ്‌സി നിവാസികളുടെ നേതൃത്വത്തിൽ  കേരളത്തിൽ നടത്തപ്പെടുന്ന ജീവകാരുണ്യപ്രവർത്തനങ്ങളുടെ തുടർപ്രവർത്തനങ്ങൾക്കായുള്ള ധനശേഖരണാർഥമാണ് ഈ ഷോ ന്യൂ ജേഴ്സിയിൽ സംഘടിപ്പിക്കുന്നതെന്ന് സംഘാടകർ അറിയിച്ചു.