രാജു തരകന
ഡാളസ്: സയണ്‍ ഗോസ്പല്‍ അസംബ്‌ളിയും ട്രൂമാക്‌സ് മീഡിയയും സംയുക്തമായി നടത്തുന്ന കെസ്റ്റര്‍ ലൈവ് ഓര്‍ക്കസ്ട്ര 2015 സെപ്റ്റംബര്‍ 19 സണ്ണി വെയ്ല്‍ ഫസ്റ്റ് ബാപ്റ്റിസ്റ്റ് ചര്‍ച്ചില്‍ വൈകിട്ട് 6.00ന് ആരംഭിക്കും. മനുഷ്യമനസ്സിനെ തൊട്ടുണര്‍ത്തുന്ന അനശ്വര ഗാനങ്ങളുമായി ആദ്യമായിട്ടാണ് കെസ്റ്റര്‍ അമേരിക്കയില്‍ വരുന്നത്. തന്നോടൊപ്പം വേദിയില്‍ അണിനിരക്കുന്ന പ്രഗത്ഭ ഗായകരാണ് ബിനോയ് ചാക്കോയും ഗായിക സിസിലി ഏബ്രഹാമും. സുനില്‍ സോളമനും സംഘവുമാണ് ഓര്‍ക്കസ്ട്ര.
സയണ്‍ഗോസ്പല്‍ അസംബ്‌ളിയുടെ ദേവാലയം പുതുക്കിപ്പണിയുന്നതിനുള്ള ധനശേഖരണാര്‍ത്ഥത്തിലാണ് ഡാളസില്‍ ഈ പ്രോഗ്രാം ക്രമീകരിച്ചിരിക്കുന്നത്. ഇതിന്റെ പ്രാരംഭ സംരംഭമായിരുന്നു കഴിഞ്ഞദിവസം നടന്ന 'കെസ്റ്റര്‍ ലൈവ് ഷോ'കിക്ക്ഓഫ് സമ്മേളനം. വിവിധ പട്ടണങ്ങളില്‍ നിന്നുള്ള പ്രമുഖ സാമൂഹിക, സാംസ്‌കാരിക സംഘടനാനേതാക്കളും, വിവിധ സഭകളില്‍നിന്നുള്ള ജനങ്ങളും സമ്മേളനത്തില്‍ പങ്കെടുത്തു.
റവ.ബിജു തോമസിന്റെ ഉത്ഘാടനപ്രസംഗത്തിനു ശേഷം ട്രൂമാക്‌സ് മീഡിയാ ഡയറക്ടര്‍ വില്‍സന്‍ തരകന്‍ ഈ പ്രോഗ്രാമിന്റെ എല്ലാവിധ ക്രമീകരണങ്ങളും സംവിധാനങ്ങളും വിശദമായി പ്രസ്ഥാവിച്ചു. പ്രോഗ്രാമിന്റെ ഇവന്റ് സ്‌പോണ്‍സറായ സിജു അഗസ്റ്റിനെ സാബു യോഹന്നാന്‍ സദസ്സിന് പരിചയപ്പെടുത്തി. മലയാളക്കരയിലും അന്തര്‍ദേശീയ തലത്തിലും ഭവനനിര്‍മ്മാണ രംഗത്ത് അതുല്യസേവനം കാഴ്ചവെച്ച സിജു അഗസ്റ്റിന്‍ 'ടൌണ്‍ഹോമ്‌സിന്റെ' C.E.O ആയി പ്രവര്‍ത്തിക്കുന്നു. സിജു അഗസ്റ്റിനില്‍ നിന്ന് ഇവന്റ് സ്‌പോണ്‍സര്‍ഷിപ്പ് തോമസ് ജേക്കബ് സ്വീകരിച്ചു. മെഗാസ്‌പോണ്‍സറായ ജോജി ജോര്‍ജിന്റെ പത്‌നിയായ ഡോ.സൂസന്‍ ജോര്‍ജില്‍ നിന്ന് സ്‌പോണ്‍സര്‍ഷിപ്പ് റോയിതോമസ് സ്വീകരിച്ചു. ഗ്രാന്റ് സ്‌പോണ്‍സറായ ബിജുതോമസില്‍ (Lawson Travels)) നിന്ന് സ്‌പോണ്‍സര്‍ഷിപ്പ് സോണിജോര്‍ജ് സ്വീകരിച്ചു. ലൈവ് ഓര്‍ക്കസ്ട്രയുടെ പ്രഥമ വി.ഐ.പി ടിക്കറ്റ് റവ. ബിജു തോമസില്‍ നിന്ന് സജി മാത്യുവും ഫാമിലി ടിക്കറ്റ് ജോജി അലക്‌സാണ്ടറും കൈപ്പറ്റി.
അനിയന്‍ ഡാളസും സ്വപ്നാ തരകനും ആലപിച്ച ശ്രൂതിമധുര ഗാനങ്ങള്‍ ഈ സമ്മേളനത്തെ മികവുറ്റതാക്കി തീര്‍ത്തു.
മാധ്യമങ്ങളെ പ്രതിനിധീകരിച്ച് രാജു തരകനും വേള്‍ഡ് മലയാളി കൌണ്‍സിലിനെ പ്രതിനിധീകരിച്ച് വര്‍ഗീസ് അലക്‌സാണ്ടറും ആശംസ അറിയിച്ചു. ബിജു ഡാനിയേല്‍ നന്ദിപ്രകടനം നടത്തി.
വിശദ വിവരങ്ങള്‍ക്ക് ബന്ധപ്പെടുക :
Wilson Tharakan 972 841 8924
Biju Daniel 972 345 3877
Sabu Yohannan 469 688 9548
Morning Star 4696821893
Aniyan Dalles 214 288 4762
Jose cherian 214 789 5429
ടിക്കറ്റ് website ലും ലഭ്യമാണ്. സന്ദര്‍ശിക്കുക : www.kesterlive.com
Email: kesterlive@gmail.com
വാര്‍ത്ത അയച്ചത്: രാജു തരകന്‍
Comments