കൊച്ചി: സിഎംഐ സഭാംഗമായ റവ.ഡോ. ആന്റണി കരിയിലിനെ കര്‍ണാടകയിലെ മാണ്ഡ്യ സീറോ മലബാര്‍ രൂപതയുടെ ബിഷപ്പായി നിയമിച്ചു. കാക്കനാട് സെന്റ് തോമസ് മൗണ്ടില്‍ നടന്ന സിനഡിലാണു പ്രഖ്യാപനമുണ്ടായത്. സിഎംഐ സഭയുടെ മുന്‍ പ്രിയോര്‍ ജനറാളും പ്രൊവിന്‍ഷ്യാളുമായിരുന്നു. ബംഗളൂരു ക്രൈസ്റ്റ് കോളജിന്റെ പ്രിന്‍സിപ്പലായും സേവനമനുഷ്ഠിച്ചിട്ടുണ്ട്. 2010 ജനുവരി 18-നാണു മാണ്ഡ്യ രൂപത സ്ഥാപിതമായത്. പ്രഥമ ബിഷപ്പ് മാര്‍ ജോര്‍ജ് ഞരളക്കാട്ടിലിനെ തലശേരി അതിരൂപത അധ്യക്ഷനായി നിയമിച്ച ഒഴിവിലാണു മാര്‍ ആന്റണി കരിയിലിന്റെ നിയമനം. ദക്ഷിണ കര്‍ണാടകയിലെ മൈസൂര്‍, ചാമരാജ്‌നഗര്‍, ഹാസന്‍, മാണ്ഡ്യ ജില്ലകള്‍ ഉള്‍പ്പെട്ടതാണു രൂപത.
Comments