ന്യൂയോര്‍ക്ക്‌: ക്രിസ്‌തീയ ഭക്തി ഗാനങ്ങളിലൂടെ ശ്രദ്ധേയനായ ഗായകന്‍ കെസ്റ്റര്‍ ഒരുക്കുന്ന `കെസ്റ്റര്‍ ലൈവ്‌ 2015' സംഗീത പരിപാടി ഒക്‌ടോബര്‍ 17നു (ശനി) ന്യൂയോര്‍ക്കില്‍ നടക്കും. സൗഹൃദയ ക്രിസ്റ്റ്യന്‍ ആര്‍ട്‌സ്‌ ഒരുക്കുന്ന `കെസ്റ്റര്‍ ലൈവ്‌ 2015' ക്യൂന്‍സ്‌ കമ്യൂണിറ്റി കോളജില്‍ (22205, 56th AVE, Bayside, NY11361) വൈകുന്നേരം അഞ്ചിന്‌ ആരംഭിക്കും. കെസ്റ്ററിനൊപ്പം ഗായകരായ ബിനോയ്‌ ചാക്കോ, സിസിലി ഏബ്രഹാം, ക്രൈസ്‌തവ ഗാനശാഖയിലെ മികച്ച സംഗീത സംവിധായകന്‍ സുനില്‍ സോളമന്‍ എന്നിവരും പരിപാടിയില്‍ പങ്കെടുക്കും. പരിപാടിയുടെ ആദ്യ ടിക്കറ്റ്‌ വില്‍പ്പനയ്‌ക്കായി സംഘടിപ്പിച്ച ചടങ്ങില്‍ റവ. ഷിനോയ്‌ ജോസഫ്‌, റവ. ഷിബു മാത്യു, പാസ്റ്റര്‍ ഇട്ടി ഏബ്രഹാം, പാസ്റ്റര്‍ കെ. വി. ഏബ്രഹാം, പ്രവാസി ചാനല്‍ ഡയറക്‌ടര്‍ വര്‍ക്കി ഏബ്രഹാം തുടങ്ങിയവര്‍ പങ്കെടുത്തു. ടിക്കറ്റിന്റെ വില്‍പ്പന വളരെ നല്ല രീതിയില്‍ പുരോഗമിക്കുന്നതായി സംഘാടകര്‍ അറിയിച്ചു. പരിപാടിയോടനുബന്ധിച്ചു വാഹനങ്ങള്‍ പാര്‍ക്കിംഗ്‌ അടക്കമുള്ള ക്രമീകരണങ്ങള്‍ ഒരുക്കിയിട്ടുണ്‌ട്‌.

വിവരങ്ങള്‍ക്ക്‌: ലാജി തോമസ്‌ (പ്രമോദ്‌) 516 849 0368, ചാക്കോ മാത്യു(സണ്ണി) 917 578 4679, ജയിംസ്‌ അലക്‌സ്‌: 917 692 0228.