ഗാര്ലന്റ്(ഡാളസ്): കേരള അസ്സോസിയേഷന് ഓഫ് ഡാളസ്സ് 2016-2017 വര്ഷത്തേക്കുള്ള ഭാരവാഹികളുടെ തിരഞ്ഞെടുപ്പ് ഡിസംബര് 5 ശനിയാഴ്ച നടക്കുന്നതാണെന്ന് ചീഫ് ഇലക്ഷന് ഓഫീസറായി നിയോഗിക്കപ്പെട്ട മാത്യു കോശി അറിയിച്ചു. പ്രസിഡന്റ്, സെക്രട്ടറി ഉള്പ്പെടെയുള്ള ഡയറക്ടര് ബോഡ് അംഗങ്ങളുടെയും ഒഴിവുള്ള ബോര്ഡ് ഓഫ് ട്രസ്റ്റിസ് സ്ഥാനത്തേക്കുമാണ് തിരഞ്ഞെടുപ്പു നടക്കുന്നത്. നാമനിര്ദ്ദേശ പത്രികള് നവംബര് 30 തിങ്കളാഴ്ച വൈകീട്ട് 5 മണിക്ക് മുമ്പു നേരിട്ടോ, മെയിലിലോ ലഭിച്ചിരിക്കേണ്ടതാണ്. ആയിരത്തില് പരം അംഗസംഖ്യയുള്ള കേരള അസ്സോസിയേഷന് സാമൂഹ്യ സംസ്ക്കാരിക രംഗത്ത് മാതൃകാപരമായ പ്രവര്ത്തനങ്ങള്ക്ക് നേതൃത്വം നല്കുന്നു. ജനറല് ബോഡി യോഗത്തില് സമര്പ്പിക്കുന്ന പാനല് ഐക്യകണ്ഠേന അംഗീകരിക്കുന്ന പതിവാണ് വര്ഷങ്ങളായി അസ്സോസിയേഷന് തിരഞ്ഞെടുപ്പില് പ്രകടമാകാറുള്ളത്. ഡേവിഡ് മുന്നന് മാണി, തോമസ് വടക്കേമുറിയില് എന്നിവരാണ് മറ്റു ഇലക്ഷന് കമ്മറ്റി അംഗങ്ങള്. കൂടുതല് വിവരങ്ങള്ക്ക് മാത്യു കോശി-214 734 6092
Comments