കെഎച്എന്‍എ യുവ ജന കുടുംബ സംഗമം മെയ് 6 മുതല്‍ 8 വരെ നോര്‍ത്ത് കരോലിനയിലെ ഷാര്‍ലറ്റില്‍ വച്ച് നടത്തും. യുവ കോര്‍ഡിനേറ്ററായി രഞ്ജിത് നായരെയും ഇവന്റ് കമ്മിറ്റി ചെയറായി അംബിക ശ്യാമളയെയും തിരഞ്ഞെടുത്തതായി പ്രസിഡന്റ് സുരേന്ദ്രന്‍ നായര്‍ അറിയിച്ചു .അമേരിക്കയിലെ മലയാളി ഹിന്ദു യുവ സമൂഹത്തിന്റെ വളര്‍ച്ചക്ക് നവീന ആശയങ്ങളുമായി മുന്നോട്ടു വരാനും പുതിയ സംരഭങ്ങള്‍ക്ക് പ്രോത്സാഹനം നല്കാനും യുവയുടെ പ്രവര്‍ത്തനങ്ങള്‍ സഹായകരമാകുമെന്ന് അദ്ദേഹം പ്രത്യാശ പ്രകടിപ്പിച്ചു. സനാതന ധര്‍മത്തിന്റെ അടിസ്ഥാന ശിലകളെ മുറുകെപ്പിടിച്ചു വരും തലമുറകളിലേക്ക് ഭാരതീയ മൂല്യങ്ങള്‍ സന്നിവേശിപ്പിക്കാന്‍ യുവ ജന കുടുംബ സംഗമം പ്രചോദനം ആകണം എന്നും അദ്ദേഹം അഭിപ്രായപ്പെട്ടു. കെഎച്എന്‍എ യുടെ മുന്‍ ജോയിന്റ് സെക്രട്ടറി ഉള്‍പ്പടെ അമേരിക്കയിലെ സാമൂഹ്യ സാംസ്‌കാരിക മാധ്യമ രംഗത്തെ യുവ സാന്നിധ്യം ആണ് രഞ്ജിത് നായര്‍. അംബികാ ശ്യാമളയാകട്ടെ ഷാര്‍ലട്ട് മലയാളീ അസ്സോസിയേഷന്‍ പ്രസിഡന്റ് ഉള്‍പ്പടെ നോര്‍ത്ത് കരോലിനയിലെ വിവിധ സംഘടനകളില്‍ നിറഞ്ഞു നില്‍ക്കുന്ന വ്യക്തിത്വം. ഇരുവരും ഐ ടി രംഗം പ്രധാന പ്രവര്‍ത്തന മേഖലയായി സ്വീകരിച്ചവരാണ്.
Comments