റെനി പൗലോസ് നാട്ടില്‍ നിന്ന് ബി.എസ്.സി പാസ്സായതിനുശേഷം 19- വയസ്സില്‍ കാനഡയിലെത്തി. അവിടെനിന്ന് ആര്‍.എന്‍ വിദ്യാഭ്യാസം പൂര്‍ത്തിയാക്കിയതിനുശേഷം 1999-ല്‍ കാലിഫോര്‍ണിയായിലേക്കു താമസം മാറ്റി. ഇവിടെ അലമേദ ഹെല്‍ത്ത് സിസ്റ്റം മെഡിക്കല്‍ സെന്ററില്‍ ഇന്‍ഫെക്ഷന്‍ പ്രിവന്‍ഷനിസ്റ്റ് ആയി ജോലി ചെയ്യുന്നു. റെനി വലരെ ചെറുപ്പത്തില്‍ തന്നെ പല സംസ്‌ക്കാരിക സംഘടനകളില്‍ ലീഡര്‍ സ്ഥാനം വഹിച്ചിട്ടുണ്ട്. കോളേജു വിദ്യാഭ്യാസകാലത്ത് പല ഓര്‍ഗനൈസേഷനിലും കമ്മറ്റിയിലും അംഗത്വം വഹിച്ചിരുന്നു. റെനിയെ അറിയുന്ന ആളുകള്‍ ഇന്‍ബോണ്‍ ലീഡര്‍ എന്നാണ് അവരെ വിശേഷിപ്പിക്കുന്നത്. ആരെയും ആകര്‍ഷിക്കുന്ന ആത്മസൗന്ദര്യമുള്ള ഒരു വ്യക്തിത്വത്തിന്റെ ഉടമയാണ് റെനി. സന്തോഷവും, സൗഹൃദവുമുള്ള ഒരു ഹൃദയമാണവരുടെത്. അതുകൊണ്ട് ഒരിക്കല്‍ പരിചയപ്പെടുന്ന ആളുകള്‍ റെനിയെ ഒരിക്കലും മറക്കാറില്ല. കാലിഫോര്‍ണിയായിലുള്ള മലയാളികള്‍ റെനിയെ ആള്‍ റൗണ്ടര്‍ എന്നാണ് വിശേഷിപ്പിക്കുന്നത്. മലയാളി അസോസിയേഷന്‍ ഓഫ് നോര്‍ത്തേണ്‍ കാലിഫോര്‍ണിയ (MANCA)യില്‍ കമ്മിറ്റി മെമ്പറായി അനേകവര്‍ഷങ്ങള്‍ സേവനം ചെയ്തിട്ടുണ്ട്. MANCA യിലെ റെനിയുടെ പ്രവര്‍ത്തനങ്ങളെ അങ്ങേയറ്റം അംഗീകരിക്കുന്നുവെന്ന് പൂര്‍വ്വ പ്രസിഡന്റുമാരായ റ്റോജോ തോമസും സജു ജോസഫും അഭിപ്രായപ്പെടുന്നു. MANCA യിലെ തന്റെ പ്രവര്‍ത്തനശൈലിയെ ഇഷ്ടപ്പെട്ട ഫോമായുടെ മുന്‍പ്രസിഡന്റുമാരായ കളത്തില്‍ പാപ്പച്ചന്‍ ആണ് റെനിയെ ഫോമായിലേക്കു ആദ്യമായി കൊണ്ടുവന്നത്. ആദ്യ വരവില്‍ തന്നെ റെനിയുടെ വ്യക്തിത്വം എല്ലാവര്‍ക്കും ഇഷ്ടമായി. ഫോമായുടെ ഒരു മുതല്‍ക്കൂട്ടായി എല്ലാവരും അവരെ അംഗീകരിച്ചു. 2010-ല്‍ ലാസ് വേഗസില്‍ നടന്ന മലയാളി മങ്കയുടെ കോമ്പറ്റീഷനില്‍ ഫസ്റ്റ് റണ്ണര്‍ അപ്പര്‍ ആയിരുന്നു റെനി. 2010-2012 വരെ ഫോമായുടെ നാഷണല്‍ കമ്മറ്റിയില്‍ വനിത പ്രതിനിധിയായിരുന്നവര്‍. ഫോമായുടെ പര്വര്‍ത്തനങ്ങള്‍ എവിടെയായിരുന്നാലും അതില്‍ പങ്കെടുത്ത് ഒരു വലിയ വിജയമാക്കി തീര്‍ക്കുന്ന ശൈലിയാണ് റെനിയുടേത്. ഇവരുടെ മികവുറ്റ പ്രവര്‍ത്തനശൈലിയില്‍ ഇഷ്ടപ്പെട്ട ഫോമാഅംഗങ്ങള്‍ റെനിയെ 2012-2014ലെ എക്‌സിക്ക്യൂട്ടീവ് കമ്മറ്റിയിലേക്ക് ജോയിന്റ് സെക്രട്ടറിയായി നോമിനേറ്റു ചെയ്തു. 2012-ല്‍ ഷിപ്പില്‍ നടന്ന ഇലക്ഷനില്‍ ഏറ്റവും കൂടുതല്‍ ഭൂരിപക്ഷത്തോടെ ജയിച്ച വ്യക്തിയാണ് റെനി പൗലോസ്. ഏതു പ്രവര്‍ത്തനങ്ങളോടും വളരെ ആത്മാര്‍ത്ഥത പുലര്‍ത്തുന്ന സ്വഭാവം. സ്വാര്‍#്തഥതയില്ലാതെ സംഘടനയെ സ്‌നേഹിക്കുന്ന വ്യക്തിത്വം. ഒരു സംഘടനയുടെ പോരായ്മ സ്ഥിതിഗതികളെ മനസ്സിലാക്കി പ്രവര്‍ത്തിക്കുന്നതാണ് ഉചിതമെന്ന് റെനിപൗലോസ് ചൂണ്ടിക്കാണിക്കുന്നു. സ്വന്തം താല്‍പര്യങ്ങള്‍ക്കു വിലകൊടുക്കുന്നതല്ലായിരിക്കണം സംഘടനയുടെ ഉദ്ദേശ്യം. മലയാളികള്‍ എന്ന് അവകാശപ്പെടുന്ന നമ്മുടെ കള്‍ച്ചര്‍ ഭാവി തലമുറയ്ക്കു നയിച്ചു കൊണ്ടു പോകുവാനുള്ള റോള്‍ മോഡല്‍ ആയിരിക്കണം നമ്മുടെ പ്രവര്‍ത്തനങ്ങള്‍. ഫോമാ വളരെയേറെ വളര്‍ന്നു കഴിഞ്ഞു. അതോടൊപ്പം ഇനിയും വളരുവാനുള്ള സാഹചര്യങ്ങളുമുണ്ട്. ഫോമായുടെ പ്രവര്‍ത്തനം അതിന്റെ ഉച്ചകോടിയിലെത്തിക്കാന്‍ നമുക്കു കഴിയണം. അതായിരിക്കണം നമ്മടെ ഓരോരുത്തരുടെയും ലക്ഷ്യം.