അനിലാല്‍ ശ്രീനിവാസന്‍
ചിക്കാഗോ: ഇന്ത്യാ പ്രസ്സ് ക്ലബ് ഓഫ് നോര്‍ത്ത് അമേരിക്ക (IPCNA) യുടെ ചിക്കാഗോ ചാപ്റ്ററിന്റെ 201617 പ്രവര്‍ത്തനങ്ങള്‍ക്കായി ബിജു സക്കറിയ പ്രസിഡന്റ് ആയി പുതിയ നേതൃത്വം ചുമതലയേറ്റു. ജോയിച്ചന്‍ പുതുക്കുളം (വൈസ് പ്രസിഡന്റ് ), അനിലാല്‍ ശ്രീനിവാസന്‍ (സെക്രട്ടറി ), പ്രസന്നന്‍ പിള്ള ( ജോയിന്റ് സെക്ര ട്ടറി), ബിജു കിഴക്കെക്കുറ്റ് (ട്രഷറര്‍) എന്നിവരാണ് മറ്റു ഭാരവാഹികള്‍. ഇല്ലിനോയിസിലെ വെസ്റ്റ് മോണ്ടിലുള്ള യൂസ് (Yu's ) റസ്‌റ്റോറന്റില്‍ വച്ച് നടന്ന ഡയറക്ടര്‍ ബോര്‍ഡ് മെമ്പര്‍മാരുടെ യോഗത്തിലാണ് പുതിയ ഭരണ സമിതി തെരഞ്ഞെടുക്കപ്പെട്ടത്. ജോസ് കണിയാലി, ശിവന്‍ മുഹമ്മ, ചാക്കോ മറ്റത്തിപറമ്പില്‍, മാത്തുക്കുട്ടി ആലുംപറമ്പില്‍ എന്നിവരും യോഗത്തില്‍ പങ്കെടുത്തിരുന്നു. ചിക്കാഗോ ചാപ്റ്റര്‍ മുന്‍ പ്രസിഡന്റും ഇപ്പോള്‍ നാഷണല്‍ പ്രസിഡന്റ് ശിവന്‍ മുഹമ്മക്ക് യോഗം ആശംസകള്‍ അര്‍പ്പിച്ചു . 2015 നവംബറില്‍ ചിക്കാഗോയില്‍ വച്ച് നടത്ത പ്പെട്ട നാഷണല്‍ കണ്‍വെന്‍ഷന്‍ പരിപാടികള്‍ ചെയര്‍മാനും മുന്‍ പ്രസിഡന്റുമായ ജോസ് കണിയാലിയുടെ നേതൃത്വത്തില്‍ അംഗങ്ങള്‍ വിലയിരുത്തി.
Comments