ന്യൂയോർക്ക് ∙ പുതുവർഷം പുലർന്ന് ഒരു മിനിട്ടിനുള്ളിൽ ന്യൂയോർക്കിലെ ആദ്യ കുഞ്ഞ് പിറന്നു.ക്യൂൻസിലെ ഫ്ലഷിംഗ് ഹോസ്പിറ്റലിലാണ് ടാനിയ ഷിറിൻ എന്ന മാതാവ് ലിറ്റിൽ അരിയാനക്ക് ജന്മം നൽകിയത്.നാലു പൗണ്ട് പതിനൊന്നര ഔൺസും തൂക്കമുള്ള കുഞ്ഞും മാതാവും പരിപൂർണ്ണ ആരോഗ്യവതികളായി കഴിയുന്നുവെന്ന് ആശുപത്രി വക്താവ് ഡോ. ആൻഡ്രു റൂബിൻ പറഞ്ഞു.
ന്യൂയോർക്കിലെ ക്യൂൻസിൽ പുതുവത്സരാഘോഷം പൊടി പൊടിക്കുമ്പോൾ, അരിയാനയുടെ ജനനത്തിലൂടെ ഫ്ലഷിങ് ആശുപത്രിക്ക് തുടർച്ചയായി രണ്ടാം വർഷമാണ് ഇങ്ങനെയൊരു ഭാഗ്യം ലഭിക്കുന്നത്.
പുതുവത്സരത്തിൽ ആദ്യം പിറന്നു വീണ കുഞ്ഞിന്റെ ജനനം ഡോക്ടർമാരും ജീവനക്കാരും പ്രത്യേക സമ്മാനങ്ങൾ നൽകിയാണ് ആഘോഷിച്ചത്.
Comments