ന്യൂയോര്ക്ക്: ബ്രോങ്ക്സ് സെന്റ് തോമസ് സീറോ മലബാര് ഫൊറോനാ ദേവാലയത്തിലെ വിശുദ്ധ വാരാചരണത്തിന് പ്രശസ്ത വചനപ്രഘോഷകന് റവ.ഫാ. ജോര്ജ് കരിന്തോളില് എം.സി.ബി.എസ് നയിക്കുന്ന ആത്മീയ ഒരുക്കധ്യാനത്തോടെ തുടക്കമാകും. മാര്ച്ച് 17-ന് വ്യാഴാഴ്ച വൈകുന്നേരം 6 മണി മുതല് 10 മണി വരേയും, 18, 19 തീയതികളില് (വെള്ളി, ശനി) രാവിലെ 9 മണി മുതല് വൈകുന്നേരം 6 മണി വരേയുമാണ് ധ്യാന സമയം. ധ്യാനദിവസങ്ങളില് കുമ്പസാരത്തിനുള്ള അവസരവും ഉണ്ടായിരിക്കും. വെള്ളി, ശനി ദിവസങ്ങളില് ഉച്ചഘഭക്ഷണവും പള്ളിയില് നിന്ന് ക്രമീകരിച്ചിട്ടുണ്ട്. 20-ന് ഓശാന ഞായറാഴ്ച രാവിലെ 10 മണിക്ക് തിരുകര്മ്മങ്ങള് ആരംഭിക്കും. കുരുത്തോല വെഞ്ചരിക്കല്, തുടര്ന്ന് കുരുത്തോലകളുമേന്തി യേശുക്രിസ്തുവിന്റെ ജറുസലേം ദേവാലയ പ്രവേശനത്തിന്റെ സ്മരണ പുതുക്കിക്കൊണ്ട് പ്രധാന കവാടത്തിലൂടെ ദേവാലയത്തില് പ്രവേശിച്ച് വി. കുര്ബാന അര്പ്പിക്കും. ആഘോഷമായ പാട്ടുകുര്ബാനയ്ക്ക് റവ.ഫാ. ജോര്ജ് കരിന്തോളില്, വികാരി ഫാ. കണ്ടത്തിക്കുടി, അസിസ്റ്റന്റ് വികാരി ഫാ. റോയിസണ് മേനോലിക്കല് തുടങ്ങിയവര് കാര്മികത്വം വഹിക്കും. 24-ന് പെസഹാ വ്യാഴാഴ്ച വൈകിട്ട് 7 മണിക്ക് കാല്കഴുകല് ശുശ്രൂഷകള് ആരംഭിക്കും. തുടര്ന്ന് വി. കുര്ബാനയും, വി. കുര്ബാനയുടെ ആരാധനയും ഉണ്ടാകും. ദേവാലയത്തിലെ തിരുകര്മ്മങ്ങള്ക്കുശേഷം പാരീഷ് ഹാളില് പാനവായനയും, അപ്പംമുറിക്കല് ശുശ്രൂഷയും നടക്കും. 25-ന് ദുഖവെള്ളിയാഴ്ച രാവിലെ 9 മണിക്ക് പാരീഷ് ഹാളില് കുരിശിന്റെ വഴിയോടുകൂടി തിരുകര്മ്മങ്ങള്ക്ക് തുടക്കമാകും. ഇടവകയിലെ യുവജനങ്ങളുടെ നേതൃത്വത്തില്, കുരിശന്റെവഴിയുടെ 14 സ്ഥലങ്ങളുടേയും ദൃശ്യാവിഷ്കരണവും ഉണ്ടായിരിക്കുന്നതാണ്. തുടര്ന്ന് ദേവാലയത്തില് പീഢാനുഭവവായനകളും, മറ്റ് തിരുകര്മ്മങ്ങളും കയ്പുനീര് വിതരണവും ഉണ്ടായിരിക്കും. ദേവാലയത്തിലെ തിരുകര്മ്മങ്ങള്ക്കുശേഷം പാരീഷ് ഹാളില് പാനവായനയും, പഷ്ണി കഞ്ഞി വിതരണവും ഉണ്ടായിരിക്കും. 26-ന് ദുഖ ശനിയാഴ്ച പതിവുപോലെ രാവിലെ 9 മണിക്ക് വി. കുര്ബാനയും തുടര്ന്ന് നിത്യസഹായ മാതാവിന്റെ നൊവേനയും ഉണ്ടായിരിക്കും. പുതിയ വെളിച്ചം, വെള്ളം എന്നിവ വെഞ്ചരിക്കുകയും, ഭവനങ്ങളിലേക്ക് വിതരണവും ഉണ്ടായിരിക്കും. ശനിയാഴ്ച രാത്രി 8 മണിക്ക് ഉയിര്പ്പ് തിരുനാളിന്റെ തിരുകര്മ്മങ്ങള് ആരംഭിക്കും. തിരുകര്മ്മങ്ങള്ക്ക് വികാരി ഫാ. ജോസ് കണ്ടത്തിക്കുടി, ഫാ. റോയിസണ് മേനോലിക്കല് എന്നിവര് കാര്മികത്വം വഹിക്കുന്നതാണ്. 27-ന് ഈസ്റ്റര് ഞായറാഴ്ച രാവിലെ 10 മണിക്കും വിശുദ്ധ കുര്ബാനയുണ്ടായിരിക്കും. നോമ്പിലെ ധ്യാനത്തിലും, വിശുദ്ധവാരത്തിലെ തിരുകര്മ്മങ്ങളിലും പങ്കുചേരുവാന് എല്ലാ വിശ്വാസികളേയും ബ്രോങ്ക്സ് ദേവാലയത്തിലേക്ക് സ്നേഹപൂര്വ്വം വികാരി ഫാ. ജോസ് കണ്ടത്തിക്കുടി സ്വാഗതം ചെയ്യുന്നു. അഡ്രസ്: 810 E, 221 st, Bronx, NY
Comments