ഹൂസ്റ്റണ്‍: പ്രശസ്ത മജീഷ്യന്‍ ഗോപിനാഥ് മുതുക്കാടും സംഗീത ചക്രവാളത്തിലെ വിസ്മയവുമായ സ്റ്റീഫന്‍ ദേവസിയും അമേരിക്കയിലെയും കാന്ഡയിലെയും വേദികളില്‍ ആസ്വാദകരെ ത്രസിപ്പിയ്ക്കാനെത്തുന്നു. 2016 ജൂണ്‍ ജൂലൈ മാസങ്ങളില്‍ അരങ്ങേറുന്ന മാജിക് ആന്റ് മ്യൂസിക്ക് എന്ന പരിപാടിയായ വളരെ ആകാംക്ഷയോടെയാണ് ആസ്വാദകര്‍ കാത്തിരിയ്ക്കുന്നത് ഇതാദ്യമായാണ് മാന്ത്രികന്‍ ഗോപിനാഥ് മുതുക്കാടും തന്റെ മാന്ത്രിക വിരലുകള്‍കൊണ്ട് കീബോര്‍ഡില്‍ അത്ഭുതം സൃഷ്ടിയ്ക്കുന്ന സ്റ്റീഫന്‍ ദേവസിയും, സ്റ്റീഫന്റെ സോളിഡ് ബാന്‍ഡ്(Solid Band) ഓര്‍ക്കസ്ട്രാ ടീമും അമേരിക്കന്‍ വേദികളില്‍ സംഗീത മാന്ത്രിക വിസ്മയവുമായി ഒന്നിയ്ക്കുന്നത്. മാജിക്കിന്റെയും പാട്ടിന്റെയും പുളകിതരാവുകള്‍ക്കായി സസ്‌പെന്‍സോടെ കാത്തിരിയ്ക്കാം. 2016 ലെ മികച്ച നിലവാരം പുലര്‍ത്തുന്ന സ്റ്റേജ്‌ഷോ ആയിരിയ്ക്കും ഈ പരിപാടി എന്ന് സംഘാടകര്‍ പുറത്തിറക്കിയ പത്രകുറിപ്പില്‍ അവകാശപ്പെട്ടു.