ടീനെക്: ന്യൂജേഴ്‌സി ആസ്ഥാനമായി പ്രവര്‍ത്തിക്കുന്ന പ്രണാം മള്‍ട്ടിമീഡിയ ഇന്റര്‍നാഷണലിന്റെ വസന്തകാല സംഗീതോപഹാരമായ "പ്രണാം സംഗീതനിശ' ഏപ്രില്‍ രണ്ടാം തീയതി ശനിയാഴ്ച വൈകുന്നേരം 4.30-ന് ടീനെക്കിലെ ടെമ്പിള്‍ എമത് ഓഡിറ്റോറിയത്തില്‍ വച്ചു നടത്താന്‍ തീരുമാനിച്ചിരിക്കുന്നു. പ്രണാമിന്റെ പ്രഥമ ഉപഹാരമായ മലയാളത്തിലെ പ്രശസ്ത പിന്നണി ഗായകര്‍ ആലപിച്ച "സ്‌നേഹാഞ്ജലി' ക്രിസ്തീയ സംഗീത മെഗാ ആല്‍ബത്തിനുശേഷം വിനു ചാക്കോയും ടീം അംഗങ്ങളും അണിയിച്ചൊരുക്കുന്ന താരനിബിദ്ധമായ ഈ സംഗീതവിരുന്നില്‍ തത്സമയ വൃന്ദവാദ്യങ്ങളുടെ അകമ്പടിയോടെ അമേരിക്കയിലെ പ്രശസ്ത സംഗീതനിപുണരോടൊപ്പം കലാരംഗത്തെ നവപ്രതിഭകളും അണിനിരക്കുന്നു. വര്‍ണ്ണശബളമായ ഈ സംഗീതസന്ധ്യയ്ക്കു മാറ്റുകൂട്ടുവാന്‍ പ്രശസ്ത ക്രിസ്തീയ ഗാനരചയിതാവായ ഫാ. ജോണ്‍ പിച്ചാപ്പള്ളിയോടൊപ്പം കൃതഹസ്തരായ തഹസീന്‍ മുഹമ്മദ്, ജോഷി ജോസ്, ആന്റണി ചേലക്കാട്ട്, സോഫിയ മണലില്‍, ആല്‍ബര്‍ട്ട് ദാനിയേല്‍, ജെംസണ്‍ കുര്യാക്കോസ്, ടിന്റു മാത്യു, ദിവ്യ ഫിലിപ്പ് തുടങ്ങിയവരും പങ്കെടുക്കുന്നതാണ്.
Comments