ഷിക്കാഗോ സോഷ്യല് ക്ലബ് ഫാമിലി മൂവി നൈറ്റ് ജൂണ് 5 ന്
Text Size
Story Dated: Thursday, May 07, 2015 10:33 hrs UTC
ജോയി നെല്ലാമറ്റം
ഷിക്കാഗോ : ഉല്ലാസ വേളകള് ആനന്ദകരമാക്കുക എന്ന വാക്യത്തെ അക്ഷരാര്ത്ഥത്തില് അന്വര്ത്ഥമാക്കികൊണ്ട്, ഷിക്കാഗോ മലയാളി മനസ്സില് ചിരപ്രതിഷ്ട നേടിയിരിക്കുന്ന ഷിക്കാഗോ സോഷ്യല് ക്ലബിന്റെ ആഭിമുഖ്യത്തില് ഷിക്കാഗോയില് ആദ്യമായി ഫാമിലി മൂവിനൈറ്റ് നടത്തപ്പെടുന്നു. സോഷ്യല് ക്ലബിന്റെ അംഗങ്ങളും അവരുടെ കുടുംബവും ഒിച്ചിരുന്ന് നൈല്സിലുള്ള ബഗ് മൂവി സെന്ററില് അംഗങ്ങള്ക്ക് മാത്രമായി ഒരു മൂവി ജൂണ് 5-ന് വെള്ളിയാഴ്ച വൈകുന്നേരം 7 മണിക്ക് ഒരുക്കിയിരിക്കുന്നു. ക്ലബിന്റെ അംഗങ്ങളും അവരുടെ കുടുംബാഗങ്ങളും കൂടി 250 ഓളം ആളുകളാണ് മൂവി നൈറ്റില് പങ്കെടുക്കുന്നത്.
തിരക്ക്പിടിച്ച ജീവിത ശൈലിയില്നിന്ന് അല്പം മാറിനിന്നു കൊണ്ട് അംഗങ്ങള്ക്ക് ഉല്ലാസം പകരുന്ന ഷിക്കാഗോ സോഷ്യല് ക്ലബിന്റെ വ്യത്യസ്തയാര് പരിപാടികളുടെ മറ്റൊരു ഉദാഹരണമാണ് ഫാമിലി മൂവി നൈറ്റ് എന്ന് പ്രസിഡന്റ് സാജു കണ്ണംമ്പള്ളി അറിയച്ചു. മൂവിനൈറ്റ് അവസ്മരണീയമാക്കാന് വേണ്ട തയ്യാറെടുപ്പുകള് അണിയറയില് നടന്നുവരുന്നു എന്ന് വൈ. പ്രസിഡന്റ് സിബി കദളിമറ്റം അറിയിച്ചു. ജോയി നെല്ലാമറ്റം, പ്രതീപ് തോമസ്, സണ്ണി ഇണ്ടികുഴി എന്നിവര് മൂവിനൈറ്റിന് നേതൃത്വം നല്കും.
Comments