ഷിക്കാഗോ: ഷിക്കാഗോ ക്‌നാനായ റീജിയണില്‍ വൈദീകര്‍ക്ക് സ്ഥലം മാറ്റം. കാലിഫോര്‍ണിയയിലെ സാന്‍ഹൊസെ ഇടവകയിലെ വികാരി ഫാ. പത്രോസ് ചമ്പക്കര കാനഡയിലെ ടോറോന്റോ ക്‌നാനായ മിഷന്‍ ഡയക്ടര്‍ ആയി പോകുന്ന ഒഴിവില്‍ ഡാളസ് ക്രിസ്തുരാജ ക്‌നാനായ ഇടവകയിലെ വികാരിയായി സേവനം അനുഷ്ടിച്ചുവരികായിരുന്ന ഫാ. മാത്യൂ മേലേടത്ത് സാന്‍ഹൊസെയിലേക്ക് നിയമിതനായി. ഷിക്കാഗോ സെന്റ്­ മേരീസ് & സേക്രട്ട് ഹാര്‍ട്ട്­ ഇടവകകളില്‍ അസി. വികാരിയായി സേവനം അനുഷ്ടിച്ചുവന്ന ഫാ. ജോസ് ചിറപ്പുറത്ത് ഡാളസ് ഇടവകയില്‍ വികാരിയായി ജൂലൈ ഒന്നിനു ചാര്‍ജ്ജെടുക്കും. അനില്‍ മറ്റത്തിക്കുന്നേല്‍ അറിയിച്ചതാണിത്.