ടി. എസ്. ചാക്കോ
കേരള കള്‍ച്ചറല്‍ ഫോറത്തിന്റെ ഇരുപത്തിയേഴാം വാര്‍ഷികവും കെ.സി.എഫ്, മഞ്ച്, നാമം എന്നീ പ്രമുഖസംഘടനകള്‍ ഇതാദ്യമായി ഇക്കുറി ഒന്നിച്ച് ഓണം ആഘോഷിക്കുന്നു ന്യൂജേഴ്‌സി: മലയാളികളുടെ ദേശീയാഘോഷമായ ഓണം ഇക്കുറി ന്യൂജേഴ്‌സിയില്‍ പുതിയ ചരിത്രമെഴുതുന്നു. മൂന്ന് പ്രമുഖ മലയാളി സംഘടനകള്‍ ഇതാദ്യമായി ഒത്തുചേര്‍ന്നാണ് ഇപ്രാവശ്യം ഓണാഘോഷമൊരുക്കുന്നത്. സെപ്റ്റംബര്‍ 18-ന് ഞായറാഴ്ച വൈകുന്നേരം നാലു മുതല്‍ രാത്രി ഒന്‍പത് വരെ ബര്‍ഗര്‍ഫീല്‍ഡിലെ സെന്റ് ജോണ്‍സ് കത്തോലിക്കാ ദേവാലയത്തിലെ കോണ്‍ലോണ്‍ ഹാളിലാണ് (19 എന്‍ വില്യം സ്ട്രീറ്റ്) ഓണാഘോഷമൊരുക്കിയിരിക്കുന്നത്. ന്യൂയോര്‍ക്കിലെ ഇന്ത്യന്‍ കോണ്‍സുലേറ്റ് ജനറല്‍ റിവ ഗാംഗുലി ദാസ് മുഖ്യാതിഥിയായിരിക്കും. ബര്‍ഗന്‍ കൗണഅടി ചീഫ് എക്‌സിക്യൂട്ടീവ് ജയിംസ് ജെ തെഡസ്‌കോട്ട്, പബ്ലിക് പ്രോസിക്യൂട്ടര് ഗുര്‍ബിര്‍സ് ഗ്രേവാള്‍, കൗണ്ടി ഭരണാധികാരികള്‍, സമീപ ടൗണിലെ മേയര്‍മാര്‍, സാമൂഹികസാംസ്കാരിക പ്രമുഖര്‍ തുടങ്ങിയവര്‍ പങ്കെടുക്കും.
ഓണാഘോഷദിവസം വാദ്യമേളങ്ങളോടെയും താലപ്പൊലിയോടെയും മാവേലിയേയും അതിഥികളേയും വരവേല്‍ക്കും. തിരുവാതരികളി, വിവിധതരം നൃത്തനൃത്യങ്ങള്‍, ഗാനമേള, കോമഡിഷോ തുടങ്ങിയവ അരങ്ങേറും. തുടര്‍ന്ന് വിവിധ കലാപരിപാടികള്‍ അവതരിപ്പിക്കും. കേരള കള്‍ച്ചറല്‍ ഫോറത്തിന്റെ ഇരുപത്തിയേഴാം വാര്‍ഷികത്തോടനുബന്ധിച്ച് വൈകുന്നേരം അഞ്ചിന് പൊതുസമ്മേളനം കോണ്‍സുലേറ്റ് ജനറല്‍ മുഖ്യാതിഥിയായിരിക്കും. ബര്‍ഗന്‍ കൗണ്ടി ചീഫും പബ്ലിക് പ്രോസിക്യൂട്ടറുമായ ഗുര്‍ബീര്‍ എസ്. ഗ്രേവാളും മറ്റു പ്രമുഖരും സന്ദേശം നല്കും. രാഷ്ട്രീയ, ജാതി, മതചിന്തകള്‍ക്ക് അതീതമായി നടത്തപ്പെടുന്ന കേരളത്തിന്റെ ദേശീയ ഉത്സവം വന്‍ ആഘോഷമാക്കാനായി വിപുലമായ കമ്മിറ്റികള്‍ പ്രവര്‍ത്തിക്കുന്നുണ്ട്. മലയാളമണ്ണിന്റെ മണവും രുചിയും നിറയുന്ന ആഘോഷപരിപാടികളില്‍ വിഭവസമൃദ്ധമായ ഓണസദ്യയുണ്ടായിരിക്കും. കൂടുതല്‍ വിവരങ്ങള്‍ക്ക് ഇതോടൊപ്പമുള്ള ഫ്‌ളെയര്‍ കാണുക
Comments