രാഷ്ട്രീയ പാരമ്പര്യം ഇല്ലാത്ത, പൊതുപ്രവര്‍ത്തനചാതുര്യം ലേശം പോലും ഇല്ലാത്ത, ബിസിനസ്സ് ലോകത്തെ ചാണക്യതുല്യനും, അമേരിക്കന്‍ ഭരണഘടനയില്‍ അനുവദിക്കുന്ന നിയമവിധേയമായുള്ള അവകാശങ്ങള്‍ ഉപയോഗിച്ച്, ബിസിസ്സ് രംഗങ്ങളില്‍ സംഭവിക്കുന്ന പരാജയങ്ങളില്‍ പതറാതെ വിജയം മാത്രം ലക്ഷ്യമാക്കി ആകാശഗോപുരങ്ങള്‍ പണിതുയര്‍ത്തിയ ബില്ലിണയറാണ് ഡൊണാള്‍ഡ് ജെ. ട്രമ്പ്, താന്‍ തൊടുന്നതെല്ലാം പൊന്നാകുമെന്ന് ട്രമ്പ് ഒരിക്കല്‍ കൂടി തെളിയിച്ചിരിക്കുന്നു ഈ തിരഞ്ഞെടുപ്പിലൂടെ.

വാഷിംഗ്ടണ് രാഷ്ട്രീയലോകത്ത് നടക്കുന്ന അന്യായങ്ങളും അരാജകത്വവും പരസ്യമായി വിളിച്ചുപറയുകയും, സാധാരണ അമേരിക്കന്‍ പൗരന്റെ ജീവിതം മെച്ചപ്പെടുത്തുമെന്നും,അമേരിക്കയില്‍ നിന്ന് അപ്രത്യക്ഷമായിക്കൊണ്ടിരിക്കുന്ന വ്യവസായങ്ങള്‍ തിരികെ കൊണ്ടുവരുമെന്നും, കൂടുതല്‍ ജോലി സാദ്ധ്യതകള്‍ക്ക് രൂപം നല്‍കുമെന്നും, വാഷിംഗ്ടണ്‍ ലോബിയിസ്റ്റിന് വിരാമം ഇടുമെന്നും, ലോകരാഷ്ട്രങ്ങള്‍ക്കു മുന്നില്‍ നഷ്ടമായിക്കൊണ്ടിരിക്കുന്ന അമേരിക്കന്‍ നേതൃത്വം ശോഭനമാക്കുമെന്ന വാഗ്ദാനം. നാഷണല്‍ സെക്യൂരിറ്റിയുടെ അവശ്യകത അമേരിക്കന്‍ ജനതയില്‍ ബോധവത്ക്കരിച്ചു. മെക്‌സിക്കന്‍ അതിര്‍ത്തിയില്‍ മതില്‍ പണിതുയര്‍ത്തി നിയമവിരുദ്ധ നുഴഞ്ഞുകയറ്റം നിര്‍ത്തലാക്കുമെന്ന് അമേരിക്കന്‍ ജനതയ്ക്ക് ഉറപ്പു നല്‍കി. ഒബാമ ഭരണകൂടം നാറ്റോ യില്‍ നിക്ഷേപിക്കുന്ന തുക നിര്‍ത്തലാക്കാനും, തുല്യ ഷെയര്‍തുക നാറ്റോയിലെ അംഗരാഷ്ട്രങ്ങള്‍ കൊടുക്കുവാന്‍ ബാദ്ധ്യസ്ഥരാണെന്ന വസ്തുത ആവര്‍ത്തിച്ചു. അമേരിക്കന്‍ മിലിട്ടറി അഴിച്ചു പണിയുകയും ആധുനീവത്ക്കരിക്കുമെന്ന വാഗ്ദാനം.