ഫിലാഡല്ഫിയ: ചിക്കാഗോ സെ. തോമസ് സീറോമലബാര് കത്തോലിക്കാ രൂപതയുടെ പ്രഥമ സഹായമെത്രാനായി നിയമിതനായശേഷം ആദ്യമായി ഫിലാഡല്ഫിയാ സീറോമലബാര്പള്ളി സന്ദര്ശിക്കുന്ന അഭിവന്ദ്യ മാര് ജോയി ആലപ്പാട്ടു പിതാവിനു ഇടവകാസമൂഹം ഉജ്വലസ്വീകരണം നല്കുന്നു. ജൂണ് 7 ഞായറാഴ്ച്ച രാവിലെ 9:45 നു പള്ളിയില് എത്തിച്ചേരുന്ന പിതാവിനെ ദേവാലയകവാടത്തില് ഇടവകവികാരി വെരി റവ. ഫാ. ജോണിക്കുട്ടി ജോര്ജ് പുലിശേരി, കൈക്കാരന്മാരായ സണ്ണി പടയാറ്റില്, ഷാജി മിറ്റത്താനി എന്നിവരുടെ മേല്നോട്ടത്തില് പള്ളിക്കമ്മിറ്റിയും, മരിയന് മദേഴ്സും, മറ്റു ഭക്തസംഘടനാപ്രവര്ത്തകരും ഇടവകജനങ്ങളും ഒത്തുചേര്ന്ന് സ്വീകരിക്കും. തുടര്ന്ന് 10 മണിക്കുള്ള ദിവ്യബലിയില് ജോയി പിതാവ് മുഖ്യകാര്മ്മികത്വം വഹിക്കുന്നതും മതബോധനസ്കൂള് കുട്ടികള്ക്ക് ആദ്യകുര്ബാന, സ്ഥൈര്യലേപനം എന്നീ കൂദാശകള് നല്കുന്നതുമാണ്.
ഇടവകവികാരി ഫാ. ജോണിക്കുട്ടി പുലിശേരി, മറ്റു വൈദികര് എന്നിവര് സഹകാര്മ്മികരാവും. മതബോധനസ്കൂളില്നിന്നും നിര്ദ്ദിഷ്ട പരിശീലനം നേടിയ 24 കുട്ടികള് പ്രഥമദിവ്യകാരുണ്യവും, സ്ഥൈര്യലേപനവും തദവസരത്തില് സ്വീകരിക്കും. മതാധ്യാപകരായ മെര്ലി ജോസ് പാലത്തിങ്കല്, ജയ്ക്ക് ചാക്കോ, സോബി ചാക്കോ, റജീനാ ജോസഫ്, ഡോ. ജയിംസ് കുറിച്ചി എന്നിവര് കഴിഞ്ഞ ഒരുവര്ഷത്തെ പരിശീലനത്തിനു നേതൃത്വം നല്കി. ആല്ബര്ട്ട് ചാക്കോ, അലീനാ ബേസില്, അലീനാ ബോസ്, ആല്ഫിന് ഷാജന്, അലിസ സിജി, ആന്ഡ്രൂ എബ്രാഹം, ഏയ്ഞ്ജല് ഷാജന്, ഏഞ്ജലാ ജിജി, ആന് മേരി ജോസഫ്, ജോര്ജ് അഖില് ഷാല്ബന്, ഗ്രെയ്സ് ചെമ്പ്ളായില്, ഹന്നാ ജയിംസ്, ഇസബെല് ജോസഫ്, ജെസ്വിന് ജെറി, ജോസ്ലിന് ജോസഫ്, ജോയല് സക്കറിയാസ്, ജോനാതന് ജോര്ജ്, ജോസഫ് ചാക്കോ, ജോയല് ഷാജി, ജൂഡിത് ബോസ്ക്കോ, കേറ്റ്ലിന് കോശി, നിധി ജോണ്, നിഖില് സിറിയക്, തോമസ് അജയ് എബ്രഹം എന്നീ കുട്ടികളാണു ഈ വര്ഷം ജോയി ആലപ്പാട്ടു പിതാവില്നിന്നും പ്രഥമ ദിവകാരുണ്യവും, സ്ഥൈര്യലേപനവൂം സ്വീകരിക്കുന്നത്.
Comments