പ്രവാസി മലയാളി ഫെഡറേഷന്റെ ആവിര്ഭാവം മുതല്ക്ക് സംഘടനയ്ക്കുവേണ്ടി നിലകൊള്ളുകയും, സംഘടനയുടെ വളര്ച്ചയ്ക്കുവേണ്ടി നിസ്വാര്ത്ഥസേവനം നടത്തുകയും 2014 ആഗസ്റ്റില് കോട്ടയം മാമ്മന് മാപ്പിള ഹാളില് നടന്ന പ്രഥമ കുടുംബസംഗമത്തിന്റെ വിജയത്തിനായിട്ട് അഹോരാത്രം പ്രയത്നിക്കുകയും ചെയ്ത പി.എം.എഫ് കേരള യൂണിറ്റ് മുന് ജോയിന്റ് സെക്രട്ടറി സിബിന് തോമസിനെ പി.എം.എഫ് ആദരിക്കുന്നു. നിരവധി വാര്ത്തകളും, ലേഖനങ്ങളും എഴുതുകയും, മനോഹരമായ ചിത്രങ്ങളും, ഫ്ലയറുകളും നിര്മ്മിക്കുകയും ചെയ്ത് സംഘടനയുടെ വളര്ച്ചയ്ക്ക് കൈത്താങ്ങലായിരുന്ന ഈ അതുല്യ പ്രതിഭയെ 2015 ആഗസ്റ്റ് 5,6,7 തിയതികളില് തിരുവനന്തപുരത്ത് നടക്കുന്ന പ്രവാസി മലയാളി കുടുംബസംഗമത്തില് മരണാനന്തര ബഹുമതി നല്കിയാണ് ആദരിക്കുന്നത്. സിബിന് ഒരു അപകടത്തെ തുടര്ന്ന് 2014 ഡിസംബര് 5ന് അബുദബിയില് വച്ച് ചരമമടഞ്ഞിരുന്നു. 'വേര്പാടുകള് സംഭവിക്കേണ്ടതെങ്കിലും, ചില വേര്പാടുകള് ദുഃഖകരം തന്നെ!'
പ്രവാസി മലയാളി ഫെഡറേഷന് ഗ്ലോബല് കമ്മിറ്റി
<
Comments