ഫിലാഡല്ഫിയ: ഫിലാഡല്ഫിയ മലയാളി സമൂഹത്തിന്റെ കലാ-സാംസ്കാരിക വേദികളില് നിറസാന്നിധ്യമായിരുന്ന ശിവന്പിള്ളയുടെ (71) വേര്പാടില് മലയാളി അസോസിയേഷന് ഓഫ് ഗ്രേറ്റര് ഫിലാഡല്ഫിയ (മാപ്പ്) എക്സിക്യൂട്ടീവ് കമ്മിറ്റി അഗാധമായ ദുഖം രേഖപ്പെടുത്തി. മാപ്പിന്റെ എക്കാലത്തേയും നല്ല സുഹൃത്തായിരുന്നു ശിവന്പിള്ള എന്നും, മാവേലി മന്നന്റെ മലയാളത്തനിമ വിളിച്ചറിയിക്കുന്ന പ്രൗഢഗംഭീരമായ ആകാരസൗഭഗത്തിന്റെ ആള്രൂപമായിരുന്ന അദ്ദേഹത്തിന്റെ വിയോഗം മലയാളി സമൂഹത്തിന് കനത്ത നഷ്ടമാണ് വരുത്തിവെച്ചിരിക്കുന്നതെന്നും പ്രസിഡന്റ് സാബു സ്കറിയ, വൈസ് പ്രസിഡന്റ് ഡാനിയേല് പി. തോമസ്, ജനറല് സെക്രട്ടറി സിജു ജോണ്, സെക്രട്ടറി ചെറിയാന് കോശി, ട്രഷറര് ജോണ്സണ് മാത്യു, പി.ആര്.ഒ സോബി ഇട്ടി എന്നിവര് സംയുക്ത പ്രസ്താവനയില് അറിയിച്ചു. പൊതുദര്ശനം സെപ്റ്റംബര് 15-ന് ചൊവ്വാഴ്ച വൈകിട്ട് 6 മുതല് 8.30 വരെ അപ്പര്ഡാബിയിലുള്ള ഡോണോഹ്യൂ ഫ്യൂണറല് ഹോമില് (8401 W. Chester Pike, Upper Darby, PA 19082) നടത്തപ്പെടുന്നതാണ്.
Comments