നോര്ത്ത് അമേരിക്കയിലെ എല്ലാ മലയാളീ ഹിന്ദു ഭവനങ്ങളിലും ഭഗവദ് ഗീത എന്ന ലക്ഷ്യത്തോടെ ഗീതാ പ്രചരണ പരിപാടിക്ക് ഹ്യുസ്ടണിലെ ശ്രീ ഗുരുവായൂരപ്പ സന്നിധിയില് തുടക്കം ആയി .ഭാഗവത പ്രയോക്താവും ആചാര്യനുമായ ശ്രീ വിജയന് പിള്ളയില് നിന്നും കെ എച് എസ് പ്രസിഡന്റ് രാജഗോപല പിള്ള ആദ്യ പ്രതി ഏറ്റു വാങ്ങി .കെ എച് എസ് വൈസ് പ്രസിഡന്റ് അനില് ആറന്മുള , ട്രഷറര് ശങ്കരന് തങ്കപ്പന് ,കെ എച് എന് എ പ്രതിനിധി രഞ്ജിത് നായര് എന്നിവര് സന്നിഹിതരായിരുന്നു. വരും ആഴ്ചകളില് അമേരിക്കയിലെ മറ്റു പ്രമുഖ നഗരങ്ങളിലും ഗീതാ പ്രചാരണ വര്ഷം ആചരിക്കും.
സമ്പൂര്ണ മനുഷ്യരാശിയെ നന്മയിലേക്ക് നയിക്കുവാനും, അവരെ ഒന്നിപ്പിക്കുവാനും, അതിലൂടെ ലോകത്തിന്റെ മുഴുവന് നന്മയ്ക്കും വേണ്ടിയാണ് ശ്രീമദ് ഭഗവദ് ഗീത സൃഷ്ടിക്കപ്പെട്ടിരിക്കുന്നത്.വിശ്വ വിഖ്യാത ശാസ്ത്രകാരന്മാരും , സാഹിത്യ കുലപതികളും മുതല് രാഷ്ടതന്ത്രന്ജരെയും വരെ സ്വാധീനിച്ച ചരിത്രമുള്ള ഈ ഗ്രന്ഥം ,അമേരിക്കയില് ജനിച്ചു വളരുന്ന പുതിയ തലമുറയ്ക്ക് അനുഭവ വേദ്യമാകുവാന് വേണ്ടിയുള്ള ശക്തമായ പ്രവര്ത്തനങ്ങളുമായി മുന്നോട്ടു പോവാന് കെ എച് എന് എ മുന് കൈ എടുക്കും . ഇതിനായി അമേരിക്കയിലെ വിവിധ ഹൈന്ദവ സംഘടനകളുമായി ചേര്ന്ന് പ്രവര്ത്തിക്കും . അമേരിക്കയിലെ വിവിധ സ്കൂളുകളിലും സര്വകലാശാലകളിലും ഇപ്പോള് തന്നെ ഗീത പഠന വിഷയമാണ്. ഇത് കൂടാതെ ബിസിനസ് മാനേജ്മെന്റിനു ഉത്തേജനം നല്കുന്നു എന്ന നിലയില് കോര്പ്പറേറ്റ് സെക്ടറിലും പ്രിയങ്കരമായിക്കൊണ്ടിരിക്കുന്നു ഭഗവദ് ഗീത .
നാം സ്വയം നമ്മെ അറിയുന്നതിനേക്കാള് ശ്രേഷ്ഠമായി, മനുഷ്യന് ഈ ഭൂമിയില് ഒന്നും തന്നെ ചെയ്യുവാനില്ല. അതായത്, ആത്മ സാക്ഷാത്കാരമാണ് മനുഷ്യ ജന്മത്തിന്റെ പരമമായ ലക്ഷ്യം. ഇതാണ് ശ്രീമദ് ഭഗവദ് ഗീത നല്കുന്ന സന്ദേശം. അഞ്ച് ഇന്ദ്രിയങ്ങളാകുന്ന കുതിരകള് പിടിച്ച് വലിക്കുന്ന ഒരു തേര് ആണ് നമ്മുടെ മനസ്സ്. അര്ജുനന് ബുദ്ധിയും, ഭഗവാന് ശ്രീ കൃഷ്ണന് ആത്മാവിന്റെ പ്രതീകവും ആണ്. നമ്മുടെ ജീവിതത്തില് നിത്യവും നേരിടേണ്ടി വരുന്ന പ്രശ്നങ്ങളെ ആണ് കുരുക്ഷേത്ര യുദ്ധമായി ചിത്രീകരിച്ചിരിക്കുന്നത്. ജ്ഞാനിയായ, കഴിവുള്ള ഒരു നല്ല തേരാളി ഉണ്ടെങ്കില് ഈ ജീവിത! യുദ്ധത്തിലെ വിജയം എളുപ്പമാകും, ഒപ്പം അപകടങ്ങള് ഒഴിയും. മറിച്ചായാല് അപകടം നിശ്ചയം, മരണം ഉറപ്പ്. എപ്പോഴും മാറിക്കൊണ്ടിരിക്കുന്ന മനസ്സിനും, ബുദ്ധിക്കും, ശരീരത്തിനും അപ്പുറത്തായി മാറ്റമില്ലാത്ത ഒരു ചൈതന്യം നമ്മില് ഒളിഞ്ഞിരിക്കുന്നു. അതിനെ അറിയാന് വിഡ്ഢികള്ക്ക് സാധ്യമല്ല, കാരണം അതിനു ജ്ഞാനം വേണം. ജ്ഞാനം ലഭിക്കാന് ശ്രീമദ് ഭഗവദ് ഗീത വായിച്ചറിയണം. ആ ചൈതന്യത്തെ അറിഞ്ഞ്, അതിനു മുന്പില് നമ്മുടെ ഇന്ദ്രിയങ്ങള് ആകുന്ന കുതിരകളെ സമര്പ്പിച്ചാല്, പിന്നെ എല്ലാം ശുഭം. ഇത് കേള്ക്കുമ്പോള് ഒരുപാട് സംശയങ്ങള് നമ്മുടെ മനസ്സില് ഉയരും, ആ സംശയങ്ങള് ആണ് ചോദ്യ രൂപത്തില് അര്ജ്ജുനന്! അവതരിപ്പിക്കുന്നത്. എല്ലാ ചോദ്യത്തിനും ഭഗവാന് ശ്രീ കൃഷ്ണന് വളരെ വ്യക്തമായി! ഉത്തരവും പറയുന്നു, തെളിവുകള് സഹിതം. കാരണം, ശ്രീമദ് ഭഗവദ് ഗീത വിശ്വാസമല്ല, അതി പുരാതനവും അത്യാധുനികവും ആയ ശാസ്ത്രമാണ്. അത് കേള്ക്കുവാന് ഭാഗ്യം വേണം, ഗുരുത്വം വേണം. കാരണം, സുകൃതികള്ക്ക് മാത്രമേ അതിനു കഴിയൂ...!
മനുഷ്യ മനസ്സില് അനുനിമിഷം ഉദിച്ചുകൊണ്ടിരിക്കുന്ന, ഒഴിവാക്കേണ്ടതും നാശത്തിലേക്ക് നയിക്കുന്നതുമായ ചിന്തകളെ ആണ് കൌരവര് ആയി ചിത്രീകരിച്ചിരിക്കുന്നത് (ലെഹളശവെ വേീൗഴവെേ). മനസ്സില് വരുന്ന ആദ്ധ്യാത്മിക ചിന്തകള് (selfish thoughts) ആണ് പാണ്ഡവര്. നൂറോളം ചീത്ത ചിന്തകള് മനസ്സില് ഉദിക്കുമ്പോള് ആണ് അഞ്ചോളം നല്ല ചിന്തകള് ഉണരുന്നത്. പക്ഷെ ചതിയും വഞ്ചനയും നിറഞ്ഞ ചീത്ത ചിന്തകള് ആണ് സാധാരണ മനുഷ്യരെ ഭരിക്കുന്നത് എന്നതിനാല്!, നല്ല ചിന്തകള്ക്ക് മനസ്സില് സ്ഥാനം ലഭിക്കുകയും ഇല്ല. അതാണ് പാണ്ഡവര്ക്ക് സംഭവിക്കുന്നതും. ആ പരമമായ സത്യം പൂര്വ ജന്മ സുകൃതം കൊണ്ടും, ഈശ്വരാനുഗ്രഹം കൊണ്ടും ഒരു വ്യക്തി മനസ്സിലാക്കുമ്പോള്, അവന്റെ മനസ്സില് 'മഹാഭാരത യുദ്ധ' ത്തിന്റെ ശംഖൊലി മുഴങ്ങുന്നു, ഭഗവാന് അവന് വിശ്വരൂപ ദര്ശനം നല്കി സ്വന്തം സത്തയെ മനസ്സിലാക്കി കൊടുക്കുന്നു. കൂടാതെ വേണ്ടാത്ത ചിന്തകളെ വധിക്കേണ്ട രീതിയെ ഉപദേശിച്ച്, നമ്മുടെ തേരാളിയായി നമ്മെ വിജയത്തിലേക്ക് നയിക്കുന്നു. അങ്ങിനെ നോക്കുമ്പോള് കൌരവരും, പാണ്ഡവരും, ശ്രീ കൃഷ്ണനും കുരുക്ഷേത്രവും, ഭീഷ്മരും, ദ്രോണരും എന്ന് വേണ്ട, യുദ്ധത്തില് പങ്കെടുക്കുന്ന 18 അക്ഷൌഹിണിപ്പടയും നാം തന്നെ. എല്ലാം നടക്കുന്നത് നമ്മില് തന്നെ...! എത്ര ആശ്ചര്യം ? ഇതിനേക്കാള് വലിയ ശാസ്ത്രം എവിടെ ഉണ്ട് ? ശ്രീമത് ഭഗവദ് ഗീതയ്ക്കു തുല്യം, ശ്രീമദ് ഭഗവദ് ഗീത മാത്രം. കാരണം അത് സാക്ഷാല് ശ്രീ കൃഷ്ണ ഭഗവാന്റെ മുഖ കമലത്തില്നിന്നു ഒഴുകിവന്ന അറിവിന്റെ അമൃത ഗംഗയാണ്...!
Comments