ന്യൂയോര്ക്ക് 8 വര്ഷത്തെ ഒബാമ ഭരണത്തില് അതൃപ്തരായ അമേരിക്കന് ജനത 2016 നവംബര് 8 ന് വിധിയെഴുതി, അടുത്ത 4 വര്ഷത്തെ അമേരിക്കയുടെ മുഖ്യഭരണാധികാരിയായി ശ്രീ. ഡൊണാള്ഡ് .ജെ. ട്രമ്പിനെയും വൈസ്പ്രസിഡന്റായി ശ്രീ. മൈക്ക് പെന്സിനെയും തിരഞ്ഞെടുത്തു.
വാഷിംഗ്ടണ് രാഷ്ട്രീയലോകത്ത് നടക്കുന്ന അന്യായങ്ങളും അരാജകത്വവും പരസ്യമായി വിളിച്ചുപറയുകയും, സാധാരണ അമേരിക്കന് പൗരന്റെ ജീവിതം മെച്ചപ്പെടുത്തുമെന്നും,അമേരിക്കയില് നിന്ന് അപ്രത്യക്ഷമായിക്കൊണ്ടിരിക്കുന്ന വ്യവസായങ്ങള് തിരികെ കൊണ്ടുവരുമെന്നും, കൂടുതല് ജോലി സാദ്ധ്യതകള്ക്ക് രൂപം നല്കുമെന്നും, വാഷിംഗ്ടണ് ലോബിയിസ്റ്റിന് വിരാമം ഇടുമെന്നും, ലോകരാഷ്ട്രങ്ങള്ക്കു മുന്നില് നഷ്ടമായിക്കൊണ്ടിരിക്കുന്ന അമേരിക്കന് നേതൃത്വം ശോഭനമാക്കുമെന്ന വാഗ്ദാനം. നാഷണല് സെക്യൂരിറ്റിയുടെ അവശ്യകത അമേരിക്കന് ജനതയില് ബോധവത്ക്കരിച്ചു. മെക്സിക്കന് അതിര്ത്തിയില് മതില് പണിതുയര്ത്തി നിയമവിരുദ്ധ നുഴഞ്ഞുകയറ്റം നിര്ത്തലാക്കുമെന്ന് അമേരിക്കന് ജനതയ്ക്ക് ഉറപ്പു നല്കി. ഒബാമ ഭരണകൂടം നാറ്റോ യില് നിക്ഷേപിക്കുന്ന തുക നിര്ത്തലാക്കാനും, തുല്യ ഷെയര്തുക നാറ്റോയിലെ അംഗരാഷ്ട്രങ്ങള് കൊടുക്കുവാന് ബാദ്ധ്യസ്ഥരാണെന്ന വസ്തുത ആവര്ത്തിച്ചു. അമേരിക്കന് മിലിട്ടറി അഴിച്ചു പണിയുകയും ആധുനീവത്ക്കരിക്കുമെന്ന വാഗ്ദാനം.
ഒബാമ കെയര് മൂലം അമേരിക്കന് ജനതയും ബിസിനസ്സ് മേഖലയും, ആശുപത്രികളും, ആരുരവിദഗ്ദ്ധരും, വൈദ്യവിഭാഗവും നേരിടുന്ന പ്രശ്നങ്ങള്ക്കു പരിഹാരമായുള്ള കെയര് സംവിധാനം ഉണ്ടാക്കുമെന്നുള്ള ഉറപ്പും, തുടങ്ങി ഡൊണാള്ഡ് ജെ.ട്രമ്പും, മൈക്ക് പെന്സും വിഭാവനം ചെയ്യുന്ന ഭരണസന്ദേശം അമേരിക്കന് ജനത രണ്ടുകൈയ്യും നീട്ടി സ്വീകരിച്ചതിന്റെ അംഗീകാരമാണ് ട്രമ്പ്-പെന്സ് വിജയം. അടുത്ത 4 വര്ഷം അമേരിക്കന് പ്രസിഡന്റായി ഡൊണാള്ഡ്.ജെ.ട്രമ്പും, വൈസ് പ്രസിഡന്റായി മൈക്ക് പെന്സും അമേരിക്കന് ജനതയെ നയിക്കും. ഒപ്പം അമേരിക്കന് താല്പര്യത്തിനും, അമേരിക്കന് ജനതയുടെ സുസ്ഥിതിക്കും മുന്തൂക്കം നല്കുന്ന ലോകരാഷ്ട്രനേതാക്കള് ഉറ്റുനോക്കുന്ന ഏക സൂപ്പര് പവര് രാജ്യത്തിന്റെ അമരക്കാരനായി തേരു തെളിക്കുവാന് പോകുന്ന അമേരിക്കയുടെ നിയുക്തപ്രസിഡന്റ് ശ്രീ. ഡൊണാള്ഡ്.ജെ. ട്രമ്പിന് സത്യത്തിന്റെയും, നീതിയുടെയും പടവുകള് കയറുവാന് കഴിയട്ടെ എന്ന് ആശംസിക്കുന്നു. ഭാവുകങ്ങള് നേരുന്നു......
JOJO THOMAS
Comments