"ബ്ലെസ്സിംഗ് ടുഡേ' ടിവി പ്രോഗ്രാമിലൂടെയും ബ്ലെസ്സിംഗ് ഫെസ്റ്റിവലിലൂടെയും ലോകമെങ്ങുമുള്ള മലയാളികള്ക്ക് സുപരിചിതരായ ബ്രദര് ഡാമിയനും, സിസ്റ്റര് ക്ഷമ ഡാമിയനും ജൂലൈ 15 വെള്ളി മുതല് 17 ഞായര് വരെ ഹൂസ്റ്റണ് പട്ടണത്തിലെ പ്രമുഖ മള്ട്ടി നാഷണല് ചര്ച്ച് ആയ ഇന്റര്നാഷണല് ബൈബിള് ചര്ച്ചില് ദൈവവചനം ശുശ്രൂഷിക്കുന്നതും, രോഗികള്, വിവിധ ആവശ്യങ്ങളാല് ഭാരപ്പെടുന്നവര് എന്നിവര്ക്കായി പ്രത്യേകം പ്രാര്ത്ഥിക്കുന്നതും ആണ്. കേരളത്തിലെ ആദ്യത്തെ മെഗാ ചര്ച്ചായ കൊച്ചി ബ്ലസ്സിംഗ് സെന്ററിന്റെ സ്ഥാപക സീനിയര് പാസ്റ്റേഴ്സ് ആണ് ബ്രദര് ഡാമിയനും, സിസ്റ്റര് ക്ഷമ ഡാമിയനും. ലോകത്തിലെ വിവിധ രാജ്യങ്ങളില് ഇരുവരും ദൈവവചനം ശുശ്രൂഷിച്ചിട്ടുണ്ട്. ജൂലൈ 15-നു വെള്ളിയാഴ്ച വൈകിട്ട് 7-നും, ജൂലൈ 16-നു ശനിയാഴ്ച വൈകിട്ട് 7-നും, ജൂലൈ 17-നു ഞായറാഴ്ച രാവിലെ 10.30-നും International Bible Church, 12955 Stafford Road, Stafford, Texas 77477-ലാണ് യോഗങ്ങള് ക്രമീകരിച്ചിരിക്കുന്നത്. ഇന്റര്നാഷണല് ബൈബിള് ചര്ച്ച് പ്രെയിസ് & വര്ഷിപ്പ് ടീം ആരാധനകള്ക്ക് നേതൃത്വം നല്കും. ജാതിമതസഭാ വ്യത്യാസമെന്യേ ഏവര്ക്കും സ്വാഗതം. കൂടുതല് വിവരങ്ങള്ക്ക്: www.blessingtoday.tv, www.internationalbiblechurch.cc
Comments