ഡാലസ്∙ യേശുവിന്റെ ജനന തിരുന്നാൾ ഭക്തി നിർഭരമായി ആഘോഷിക്കുന്നതിനു മുന്നോടിയായി ഗാര്ലന്ഡ് സെന്റ് തോമസ് സിറോ മലബാര് ഫൊറോനാ ഇടവകയിൽ ആരംഭിച്ച ക്രിസ്മസ് കരോളിനു ഉജ്വല തുടക്കം. ഡിസംബർ 3 ശനിയാഴ്ചയാണ് ഇടവകയിൽ വീട് സന്ദർശിച്ചുള്ള ക്രിസ്മസ് കരോൾ ആരംഭിച്ചത്. ശാന്തരാത്രി തിരുരാത്രി...,ദൈവം പിറക്കുന്നു..മനുഷ്യനായി ബേത്ലഹേമിൽ..., തുടങ്ങി, രക്ഷയുടെ മഹദ് സന്ദേശം ഓര്മപ്പെടുത്തിയും, രക്ഷകന്റെ തിരുപ്പിറവി ഉദ്ഘോഷിച്ചുള്ള ഗാനങ്ങൾ ഉണ്ണീശോയെ വണങ്ങി കരോൾ സംഘം ആലപിച്ചു. കൊച്ചു കുട്ടികളും മുതിർന്നവരും ഒരുപോലെ കരോളിൽ പങ്കുചേർന്നു. ഇടവകയിലെ ആർലിംഗ്ടൺ - ഗ്രാൻഡ് പ്രയറി കുടുംബ യൂണിറ്റിലാരംഭിച്ച കരോളിനു വികാരി ഫാ. ജോഷി എളമ്പാശ്ശേരിൽ, കൈക്കാരൻ സാലിച്ചൻ കൈനിക്കര, വാർഡ് പ്രസിഡണ്ട് ജോസഫ് ചാക്കോ തുടങ്ങിയവർ നേതൃത്വം നൽകി.
Comments