ചിക്കാഗോ: ക്നാനായ കാത്തലിക്ക് റീജിയന്റെ ആഭിമുഖ്യത്തിൽ നടത്തപെടുന്ന പ്രഥമ ഫാമിലി കോൺഫറൻസിന്റെ ഭാഗമായി അവതരിപ്പിക്കുന്ന ക്നാനായ റീജിയൺ തീം സോങ്ങിന്റെ രചനയിൽ പങ്കാളികളാകുവാൻ ഏവർക്കും അവസരം ഒരുങ്ങുന്നു. "വിശ്വാസവും പാരമ്പര്യങ്ങളും ക്നാനായ കുടുംബങ്ങളിൽ പരിപോഷിപ്പിക്കുക" എന്ന ഫാമിലി കോൺഫറൻസിന്റെ ആപ്തവാക്യത്തെ ഹൃദയത്തിൽ ഉൾക്കൊള്ളുവാൻ സാധിക്കത്തക്ക വിധത്തിൽ മലയാളവും ഇംഗ്ലീഷും ഇടകലർന്ന തീം സോങ്ങ് രചിക്കുവാനായി സംഗീത രചാനാ അഭിച്ചൂരിയുള്ളവരിൽ നിന്നും രചനകൾ ക്ഷണിക്കുകയാണ്. മുതിർന്നവർക്കും യുവതീ യുവാക്കൾക്കും ഒരേ പോലെ ആസ്വദിക്കുവാനും നെഞ്ചിലേറ്റുവാനും സാധിക്കുന്ന രീതിയിലുള്ള തെരഞ്ഞെടുക്കപ്പെടുന്ന രചനക്ക് ഫാമിലി കോൺഫ്രൻസ് വേദിയിൽ വച്ച് ആകർഷകമായ സമ്മാനം നൽകുന്നതായിരിക്കും. ക്നാനായ സമൂഹത്തിലെ സർഗ്ഗാന്മകമായ കഴിവുകളെ പരിപോഷിക്കുവാൻ ഉതകുന്ന ഈ സംരംഭത്തിൽ പങ്കാളികളായിക്കൊണ്ട് രചനകൾ അയക്കേണ്ട അവസാന ദിവസം ഫെബ്രുവരി 30 ആണ്. രചനകൾ അയക്കേണ്ട വിലാസം mulavan@hotmail.com
അനിൽ മറ്റത്തിക്കുന്നേൽ
Comments