പാകിസ്താന് എതിരായ മത്സരത്തില്‍ വെസ്റ്റിന്‍ഡീസിന് 150 റണ്‍സിന്റെ വമ്പന്‍ ജയം. വിന്‍ഡീസ് ഉയര്‍ത്തിയ 311 എന്ന വിജയലക്ഷ്യത്തിലേക്കുള്ള പാക് പ്രയാണം 39 ഓവറില്‍ 160 റണ്‍സില്‍ ഒതുങ്ങി. ഒരു ഘട്ടത്തില്‍ അഞ്ചിന് 25 എന്ന നിലയില്‍ തകര്‍ന്ന പാകിസ്താനെ സുഹൈബ് മസൂദിന്റെയും (50) ഉമര്‍ അക്മലിന്റെയും (59) അര്‍ധ സെഞ്ച്വറികളാണ് കനത്ത നാണക്കേടില്‍ നിന്ന് രക്ഷിച്ചത്. പാകിസ്താന്റെ ആദ്യ അഞ്ച് ബാറ്റ്‌സ്മാന്‍മാരുടെ സ്‌കോര്‍ 0,1,0,0,7 എന്നിങ്ങനെയാണ്.