നിൻ മഹിമ കാണുവാൻ.....

(പി. സി. മാത്യു)

(അതിരാവിലെ ധ്യാനിക്കുവാനായി എഴുതിയ ഒരു ഗാനം)

രാവിലെ തോറും നിറച്ചീടണേ യേശു രാജാവേ നിന്റെ പുതു ദയയാൽ

പുതുതാക്കണേ എന്നെ മുറ്റുമായി നിൻ നൽ വരങ്ങളെ പ്രാപിപ്പാൻ (2 )

സൂര്യ, ചന്ദ്ര, നക്ഷത്രങ്ങൾ സ്വസ്ഥമായങ്ങുറങ്ങവേ അടിയങ്ങളെ

കണ്ണ് ചിമ്മാതെ കണ്മണി പോലെ കാത്ത സ്നേഹത്തെ ഓർക്കും ഞാൻ (2)

കാലേബിനെ പോലെ യുദ്ധം ചെയ്യുവാൻ കാര്യ പ്രാപ്തിയും ഏകുക

എൻ പ്രവർത്തികൾ ഓരോന്നോരോന്നു നിൻ മഹിമക്കായ് തീർക്കുക (2)

നല്കീടുന്നെൻ കണ്ണുകളെയും നിൻ മഹിമയെ ലോകത്തിൽ കാണുവാൻ

കാതുകളെയും സമർപ്പിക്കുന്നു നിൻ ഇമ്പമേറും ശബ്ദം കേൾക്കുവാൻ (2)

ശത്രുക്കൾ മുൻപാകെ ഒരുക്കിയ മേശയിൽ ശത്രുവിനും നൽകുവാൻ

ശക്തമാം കൃപ നൽകി അനുഗ്രഹിക്ക നിൻ നാമ മഹത്വത്തിനായി (2)

ഇടയനും തൻ സ്നേഹം തണുത്തിടുന്നികാലം ചൂടേകും സ്നേഹമായി

വീണ്ടും വരവാകാൻ കനിയെല്ലേ ദൈവ പുത്രാ യേശുവേ കാലമായി (2)

(പി. സി. മാത്യു)