തിരുവോണത്തെ വരവേല്‍ക്കാന്‍ മലയാളി ഒരുങ്ങി.ഇന്ന് ഒന്നാം ഓണം.ഇത്തവണ ചിങ്ങം 31 നാണ് തിരുവോണം എത്തുന്നത്. ചിങ്ങമാസത്തില്‍ രണ്ടു തിരുവോണം വന്നാല്‍ രണ്ടാമത്തേതാണ് പരിഗണിക്കുക. അതുകൊണ്ടാണ് ഓണം മാസത്തിന്റെ അവസാനമായത്. അവസാനവട്ട ഒരുക്കത്തിനായി നാടും നഗരവും ഉത്രാടപ്പാച്ചിലില്‍ ആണ്‌‍. ഓണവിപണിയിലും പച്ചക്കറിക്കടകളിലും ചന്തകളിലും പൂക്കടകളിലും വന്‍ തിരക്കാണ് അനുഭവപ്പെടുന്നത്.തിങ്കളാഴ്ചയാണ് തിരുവോണം.