കൂടംകുളം ആണവ നിലയത്തില്‍ പരീക്ഷണാടിസ്ഥാനത്തില്‍ വൈദ്യുതി ഉല്‍പാദനം തുടങ്ങി. പുലര്‍ച്ചെ 2.45നാണ് 1,000 മെഗാവാട്ട് ശേഷിയുള്ള ഒന്നാം റിയാക്ടറിലാണ് വൈദ്യുതി ഉല്‍പാദനം ആരംഭിച്ചത്. രണ്ട് മണിക്കൂര്‍ കൊണ്ട് 160 മെഗാവാട്ട് വൈദ്യുതിയാണ് ഉല്‍പാദിപ്പിച്ചത്. ഈ വൈദ്യുതി സതേണ്‍ ഗ്രിഡുമായി ബന്ധിപ്പിച്ചതായി ന്യൂക്ളിയര്‍ പവര്‍ കോര്‍പ്പറേഷന്‍ അറിയിച്ചു.രണ്ട് മണിക്കൂര്‍ ശേഷം ഉല്‍പാദനം താല്‍കാലികമായി നിര്‍ത്തിവെച്ചു. ആണവോര്‍ജ നിയന്ത്രണ ബോര്‍ഡിന്റെ കൂടുതല്‍ പരിശോധനക്ക് ശേഷം വൈദ്യുതി ഉല്‍പാദനം പൂര്‍ണ തോതിലാക്കുമെന്ന് അധികൃതര്‍ അറിയിച്ചു.
Comments