പേരാമ്പ്ര: പന്തിരിക്കര പീഡനക്കേസ് പ്രതികളെന്ന് സംശയിക്കുന്ന മൂന്നു പേര്‍ ദോഹയില്‍ പിടിയില്‍.ഇവരെ വ്യാഴാഴ്ച കോഴിക്കോട്ട് എത്തിച്ചേക്കും. പന്തിരിക്കര സ്വദേശികളായ ഷാഫി, സാബിര്‍, ജുനൈസ് എന്നിവരാണ് ബുധനാഴ്ച പിടിയിലായത്. ആത്മഹത്യയ്ക്ക് ശ്രമിച്ച പെണ്‍കുട്ടി നല്‍കിയ മൊഴിയുടെ മാത്രം ബലത്തില്‍ കേസ് മുന്നോട്ടുകൊണ്ടുപോകാന്‍ കഴിയാത്തതിനാല്‍ കൂടുതല്‍ ശക്തമായ തെളിവുകള്‍ കണ്ടെത്താനുള്ള ശ്രമത്തിലാണ് അന്വേഷണ സംഘം. സംശയം തോന്നിയ പ്രവാസിമലയാളികള്‍ ഇവരെ തടഞ്ഞുവെക്കുകയായിരുന്നു.
Comments