മന്ത്രിസഭാ പുന:സംഘടന അടക്കമുള്ള എല്ലാ കാര്യങ്ങളെ കുറിച്ചും തനിക്ക് ശുഭാപ്തിവിശ്വാസമാണുള്ളതെന്ന് മുഖ്യമന്ത്രി ഉമ്മന്‍ ചാണ്ടി.മന്ത്രിസഭാ പുന:സംഘടനയും ഘടകകക്ഷികളുടെ പ്രശ്‌നങ്ങളും കൂട്ടികുഴയ്‌ക്കേണ്ടതില്ല. ഘടകകക്ഷികളെ വിശ്വാസത്തിലെടുത്തു മാത്രമെ കോണ്‍ഗ്രസ് മുന്നോട്ട് പോവുകയുള്ളൂവെന്നും മുഖ്യമന്ത്രി പറഞ്ഞു. മാധ്യമങ്ങള്‍ ഉദ്ദേശിക്കുന്ന കാര്യങ്ങളെ കുറിച്ചൊന്നും ഒരു ചര്‍ച്ചയും നടന്നില്ല. മന്ത്രിസഭാ പുന:സംഘടന സംബന്ധിച്ച് ഇനി കേരളത്തില്‍ ചര്‍ച്ച ചെയ്തിട്ട് കാര്യമില്ല. എല്ലാം തീരുമാനിക്കുന്നത് ഹൈക്കമാന്‍ഡാണ്. പാണക്കാട്ടെത്തി മുസ്‌ലിംലീഗ് നേതാക്കളുമായി കൂടിക്കാഴ്ച നടത്തിയ ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു മുഖ്യമന്ത്രി.