എല്‍.ഡി.എഫ് നടത്തുന്ന ഉപരോധ സമരത്തെ നേരിടുന്നതിനായി സെക്രട്ടേറിയറ്റിന് രണ്ടു ദിവസത്തെ അവധി നല്‍കാന്‍ തിങ്കളാഴ്ച്ച വൈകീട്ട് ചേര്‍ന്ന യു.ഡി.എഫ് യോഗം തീരുമാനിച്ചു. ചൊവ്വാഴ്ച്ചയും ബുധനാഴ്ച്ചയും ആയിരിക്കും അവധി.ഉപരോധം കാരണം ഇന്ന് സ്വാതന്ത്ര്യദിന പരേഡിനുള്ള റിഹേഴ്‌സല്‍ മുടങ്ങി. സംഘര്‍ഷാവസ്ഥ ഇതേ നിലയില്‍ തുടര്‍ന്നാല്‍ സ്വാതന്ത്ര്യ ദിനാഘോഷം വരെ നടത്താന്‍ കഴിയില്ല. സ്വാതന്ത്ര്യദിന പരേഡ് മുടങ്ങാനിടയായാല്‍ സംസ്ഥാനത്തിനത് വലിയ മാനേക്കേടാവും. ഇതൊഴിവാക്കുന്നതിനാണ് സെക്രട്ടേറിയറ്റിന് അവധി നല്‍കുന്നതെന്ന് മുഖ്യമന്ത്രി വിശദീകരിച്ചു.