തന്റെ പ്രവര്‍ത്തനത്തിന് തടസമാണെന്ന് പറഞ്ഞ് മുഖ്യമന്ത്രി രാജി ആവശ്യപ്പെട്ടാല്‍ താന്‍ രാജി വെയ്ക്കുമെന്ന് ചീഫ് വിപ്പ് പി.സി ജോര്‍ജ്. കോണ്‍ഗ്രസ് വൈസ് പ്രസിഡന്റ് എം.എം ഹസന്റെ രാജി ആവശ്യത്തോട് പ്രതികരിക്കുകയായിരുന്നു പി.സി ജോര്‍ജ്.ഈ ആവശ്യം കെ.പി.സി.സി പ്രസിഡന്റ് ഉന്നയിച്ചാലും താന്‍ രാജിവെയ്ക്കും. കോണ്‍ഗ്രസ്‌കാര്‍ ‘ദേശാടന പക്ഷിയെന്ന്’ വിളിക്കുന്ന എം.എം ഹസന്റെ വാക്കുകള്‍ക്ക് താന്‍ പുല്ലുവില പോലും കല്‍പ്പിക്കുന്നില്ലെന്നും അദ്ദേഹം പറഞ്ഞു.