സോളാര്‍ തട്ടിപ്പുകേസിലെ പ്രതികളായ ടെന്നി ജോപ്പനും നടി ശാലു മേനോനും ഹൈക്കോടതി ജാമ്യം അനുവദിച്ചു. ജസ്റ്റിസ് എസ്.എസ്. സതീശചന്ദ്രന്‍ അധ്യക്ഷനായ ബെഞ്ചാണ് കര്‍ശനമായ ഉപാധികളോടെ ഇരുവര്‍ക്കും ജാമ്യം അനുവദിച്ചത്. ശാലു മേനോന് ഒരു ലക്ഷം രൂപയുടെ ബോണ്ടും രണ്ടാളുടെ ജാമ്യവും ജോപ്പന് അമ്പതിനായിരം രൂപയുടെ ബോണ്ടും രണ്ടാള്‍ ജാമ്യവുമാണ് ഉപാധി. ഇരുവരും കേരളം വിട്ടുപോകരുത്. പാസ്‌പ്പോര്‍ട്ട് പോലീസില്‍ ഹാജരാക്കണം. ശാലു മേനോന്‍ എട്ടാഴ്ച വരെ എല്ലാ തിങ്കളാഴ്ചയും ജോപ്പന്‍ അന്വേഷണ്യോഗസ്ഥര്‍ ആവശ്യപ്പെടുമ്പോഴും അന്വേഷണോദ്യോഗസ്ഥരുടെ മുന്‍പാകെ ഹാജരാകണം തുടങ്ങിയവയാണ് ഉപാധികള്‍ .