മുംബൈയില്‍ വനിതാ പത്രഫോട്ടോഗ്രാഫറെ മാനഭംഗപ്പെടുത്തിയ കേസില്‍ പ്രതികളായ അഞ്ചുപേരും അറസ്റ്റിലായി. അബ്ദുള്‍ , വിജയ്‌മോഹന്‍ യാദവ്, കാസിം ബംഗാളി, അഷ്പാക്, സലീം എന്നിവരാണ് പോലീസിന്റെ പിടിയിലായത്.പൂട്ടിക്കിടക്കുന്ന ശക്തിമില്‍സിന്റെ ഫോട്ടോ എടുക്കാന്‍ പോയപ്പോഴാണ് ഒരു ഇംഗ്ലീഷ് മാസികയുടെ ഫോട്ടോഗ്രാഫറായ ഇരുപത്തിമൂന്നുകാരി അഞ്ചംഗസംഘത്തിന്റെ ആക്രമണത്തിന് ഇരയായത്. ഒപ്പമുണ്ടായിരുന്ന സുഹൃത്തിനെ കെട്ടിയിട്ടാണ് ഇവര്‍ യുവതിയെ ആക്രമിച്ചത്.