കണ്ണൂരില്‍ സിപിഎം ബ്രാഞ്ച് കമ്മിറ്റി ഓഫീസിന് ഒറ്റരാത്രി കൊണ്ട് പച്ച പെയിന്റടിച്ചു. അരിയില്‍ സിപിഎം ബ്രാഞ്ച് കമ്മിറ്റി ഓഫീസിനെയാണ് ഇന്നലെ അര്‍ധരാത്രിയോടെ അജ്ഞാതര്‍ പച്ച പെയിന്റടിച്ചത്.ഓഫീസ് മുഴുവനായും പെയിന്റടിച്ച് പച്ച നിറത്തിലാക്കിയിട്ടുണ്ട്. മുസ്ലീം ലീഗാണ് സംഭവത്തിന് പിന്നിലെന്ന് കമ്മിറ്റി ഓഫീസ് സന്ദര്‍ശിച്ച സിപിഐഎം ജില്ലാ സെക്രട്ടറി പി ജയരാജന്‍ പറഞ്ഞു. പൊലീസിനെതിരെയും ജയരാജന്‍ ആഞ്ഞടിച്ചു. മുസ്ലീംലീഗിലെ ക്രിമിനലുകള്‍ക്കെതിരെ കേസെടുക്കാന്‍ പൊലീസ് തയ്യാറാകാത്തതാണ് ഇത്തരം സംഭവങ്ങള്‍ ആവര്‍ത്തിക്കാന്‍ കാരണമെന്ന് അദ്ദേഹം പറഞ്ഞു.