2026-ൽ നിക്ഷേപകർ സ്വീകരിക്കേണ്ട പ്രധാന തന്ത്രങ്ങൾ വെളിപ്പെടുത്തി മോത്തിലാൽ ഓസ്വാൾ പ്രൈവറ്റ് വെൽത്ത്. നിക്ഷേപങ്ങളുടെ പ്രധാന പങ്ക് സുപരിചിതമായ വലിയ കമ്പനികളിലോ (ലാർജ് ക്യാപ് കമ്പനികൾ) ഹൈബ്രിഡ് ഫണ്ടുകളിലോ ആകണമെന്നാണ് പ്രധാന നിർദ്ദേശം. വിപണിയിലെ അസ്ഥിരതയെ ചെറുക്കാൻ ഇവ സഹായിക്കുമെന്നാണ് വിലയിരുത്തൽ.
അതേസമയം, ഇടത്തരം–ചെറുകിട കമ്പനികളിൽ ഘട്ടംഘട്ടമായി, സൂക്ഷ്മമായി നിക്ഷേപിക്കണമെന്നും നിർദ്ദേശിക്കുന്നു. ഇത്തരം കമ്പനികൾക്ക് വളർച്ചാ സാധ്യത കൂടുതലാണെങ്കിലും അപകടസാധ്യതയും അനുസൃതമായി ഉയർന്നതായിരുക്കുമെന്ന് ചൂണ്ടികാണിക്കുന്നുണ്ട്. ഇന്ത്യൻ കമ്പനികളുടെ പ്രകടനം മെച്ചപ്പെട്ടുവരുന്നതും രാജ്യത്തിന്റെ സമഗ്ര സാമ്പത്തിക സാഹചര്യത്തിൽ പുരോഗതി കാണുന്നതുമാണ് ഈ സമതുലിത നിക്ഷേപ തന്ത്രത്തിന് പിന്നിലെ പ്രധാന കാരണം.
2025നെ അപേക്ഷിച്ച് 2026 ഇന്ത്യയിൽ നിക്ഷേപങ്ങൾക്ക് കൂടുതൽ അനുകൂലമാകുമെന്ന് മോത്തിലാൽ ഓസ്വാൾ പ്രൈവറ്റ് വെൽത്തിന്റെ മാനേജിങ് ഡയറക്ടറും സിഇഒയുമായ
ആശിഷ് ശങ്കർ അഭിപ്രായപ്പെട്ടു. ഇത്തരമൊരു പശ്ചാത്തലത്തിൽ, പോർട്ട്ഫോളിയോയുടെ വലിയ ഭാഗം വലിയ കമ്പനികൾക്ക് നീക്കിവയ്ക്കുകയും, ഇടത്തരം–ചെറുകിട കമ്പനികളിൽ ഘട്ടംഘട്ടമായി നിക്ഷേപം വർധിപ്പിക്കുകയും ചെയ്യുന്നതാണ് ഉചിതമെന്ന് അദ്ദേഹം വ്യകത്മാക്കി.
