തൃശൂർ ജില്ലയിലെ തീരദേശ പഞ്ചായത്തുകളിൽ താമസിക്കുന്ന അതിഥി തൊഴിലാളികളുടെ കുട്ടികളുടെ സമഗ്ര വികസനം ലക്ഷ്യമാക്കി ചിരാഗ് 2026 – ഇന്നൊരു കൈത്താങ്ങ് , നാളെയൊരു മികച്ച ഭാവി പദ്ധതിക് തുടക്കം കുറിച്ചു.
വലപ്പാട് ഭാവന ഓഡിറ്റോറിയത്തിൽ നടന്ന ചടങ്ങ് ലയൺസ് ക്ലബ് ഇന്റർനാഷണൽ ഫസ്റ്റ് വൈസ് ഡിസ്ട്രിക്ട് ഗവർണ്ണർ സുരേഷ് കെ വാര്യർ ഉദ്ഘാടനം ചെയ്തു. അതിഥി തൊഴിലാളികളുടെ കുട്ടികളുടെ വിദ്യാഭ്യാസം ,ആരോഗ്യ ബോധം ,സാമൂഹിക ഇടപെടൽ എന്നിവ ശക്തിപെടുത്തുകയാണ് പദ്ധതിയുടെ ലക്ഷ്യം.
മണപ്പുറം ഹോം ഫിനാൻസ്, മബേൻ ലിമിറ്റഡ് എന്നിവരുടെ സഹകരണത്തോടെയാണ് പദ്ധതി നടപ്പാക്കുന്നത്.
മണപ്പുറം ഫൗണ്ടേഷൻ സി ഇ ഓ ജോർജ് ഡി ദാസ് അധ്യക്ഷത വഹിച്ച ചടങ്ങിൽ മണപ്പുറം ഫിനാൻസ് സീനിയർ പി ആർ ഒ യും സെക്കന്റ് വൈസ് ഡിസ്ട്രിക്ട്ഗ വെർണറുമായ കെ എം അഷ്റഫ് ,മബേൻ ടെക്നിക്കൽ ഹെഡ് ദിനു പി ,ഹോം ഫിനാൻസ് എച് ആർ ഹെഡ് ദിപു പി ആർ ,അയ്യപ്പൻ മെമ്മോറിയൽ എൽ പി സ്കൂൾ അധ്യാപകർ,ആർ എം വി എച് എസ് എസ് അദ്ധ്യാപിക ഭീഭ ബി എന്നിവരും ഇരുനൂറോളം വിദ്യാർത്ഥികളും രക്ഷിതാക്കളും പങ്കെടുത്തു. ഇതൊടാനുബന്ധിച്ച് കുട്ടികൾക്കു പഠനോപകരണങ്ങളും കളിപ്പാട്ടങ്ങളും വിതരണം ചെയ്തു.
മണപ്പുറം ഫൌണ്ടേഷൻ പബ്ലിക് റിലേഷൻ മാനേജർ ഷിനിത ആഷിക് സ്വാഗതവും സോഷ്യൽ വർക്കർ അഖില പി എൽ നന്ദിയും പറഞ്ഞു.
