അന്തര്ദേശീയ വിദ്യാഭ്യാസ കോണ്ക്ലേവ് എഡ്യു വിഷന് 2035 തിങ്കള്,ചൊവ്വ ദിവസങ്ങളില് (ജനുവരി 26, 27 തീയതികളില്) എംജി സര്വ്വകലാശാല ക്യാമ്പസില് നടക്കും. കേരളത്തിന്റെ ഉന്നത വിദ്യാഭ്യാസത്തെ പൊതുവെയും എം ജി സര്വകലാശാലാ ക്യാമ്പസിനെ സവിശേഷമായും ഭാവിയിലേയ്ക്ക് രൂപപ്പെടുത്തേണ്ടത് എങ്ങനെ എന്നതാണ് തോണ്ക്ലേവിന്റെ പ്രമേയം. രണ്ടുദിവസങ്ങളിലായി നടക്കുന്ന കോണ്ക്ലേവില് ശാസ്ത്രം സാമൂഹ്യശാസ്ത്രം, അന്താരാഷ്ട്രാ പഠനം, കലാ, സാഹിത്യം മാധ്യമം, ഡിജിറ്റല് വിദ്യാഭ്യാസം തുടങ്ങിയ വിവിധ മേഖലകളുമായി ബന്ധപ്പെട്ട നാല് പാനല് ചര്ച്ചകള് നടക്കും. അമേരിക്ക, കാനഡ, യൂറേപ്പ് എന്നിവിടങ്ങളില്നിന്നുള്ള പ്രമുഖര് പങ്കെടുക്കുന്ന രണ്ട് ഹൈബ്രീഡ് പാനല് ചര്ച്ചകളും ഉണ്ടാകും. ലോകത്തിന്റെ വിവിധ ഭാഗങ്ങളില് അക്കാദമിക വ്യാവസായിക കലാ സാഹിത്യ മാധ്യമ രംഗങ്ങളില് പ്രവര്ത്തിക്കുന്ന എം ജി സര്വകലാശാലാ കാമ്പസിലെ പൂര്വ്വ വിദ്യാര്ത്ഥികള് നേരിട്ടും ഓണ്ലൈനായും രണ്ടുദിവസത്തെ കോണ്ക്ലേവിന്റെ ഭാഗമാകും.
