പ്രശസ്ത സംഗീത സംവിധായകൻ എസ്.പി. വെങ്കിടേഷ് (70) അന്തരിച്ചു. ചെന്നൈയിലെ വീട്ടിൽ ഹൃദയാഘാതത്തെ തുടർന്ന് ആണ് അന്ത്യം. 1968 മുതല് സിനിമാ സംഗീത സംവിധാന രംഗത്ത് സജീവമാണ്. വിവിധ ഭാഷകളിലായി സൂപ്പര് ഹിറ്റായ നിരവധി സിനിമകള്ക്ക് സംഗീതം നല്കി. രാവിലെ ശുചിമുറിയിൽ വച്ച് നെഞ്ചുവേദന അനുഭവപ്പെട്ടതിനെ തുടര്ന്ന് ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ സാധിച്ചില്ല.
1968 മുതൽ തമിഴ്, തെലുങ്ക്, കന്നഡ, മലയാളം സിനിമകളിലെ നിരവധി ചിത്രങ്ങളുടെ ഓർക്കസ്ട്രയിൽ എസ്.പി.വിയും ഉണ്ടായിരുന്നു. 1971ൽ സംഗീത സംവിധായകനായ വിജയഭാസ്കറിനൊപ്പം സിനിമയിൽ ഗിറ്റാർ വായിച്ചാണ് തുടക്കം. കണ്ണൂർ രാജൻ, ദേവരാജൻ മാസ്റ്റർ, ബാബുരാജ്, എം.കെ. അർജുനൻ മാസ്റ്റർ, ദക്ഷിണാമൂർത്തി സ്വാമി, രാഘവൻ മാസ്റ്റർ എന്നിവർക്കൊപ്പം പ്രവർത്തിച്ചു.
1986ൽ സത്യൻ അന്തിക്കാട് സംവിധാനം ചെയ്ത ടി.പി. ‘ബാലഗോപാലൻ എം.എ’ എന്ന സിനിമയിൽ എ.ടി. ഉമ്മറിന്റെ സഹായി ആയിരുന്നു. തുടർന്ന്, അതേ വർഷം, തമ്പി കണ്ണന്താനം സംവിധാനം ചെയ്ത ‘രാജാവിന്റെ മകൻ’ എന്ന സിനിമയ്ക്ക് പശ്ചാത്തല സംഗീതവും സംഗീതവും നൽകിക്കൊണ്ടd മലയാള സിനിമാ ഗാനരംഗത്ത് തുടക്കം കുറിച്ചു.
കിലുക്കം, മിന്നാരം, ജോണി വാക്കർ. കൌരവര്, സ്ഫടികം, ധ്രുവം, കിഴക്കൻ പത്രോസ്, ഹിറ്റ്ലര്, ദേവാസുരം തുടങ്ങി നിരവധി സിനിമകളിലെ ഗാനങ്ങള്ക്ക് അദ്ദേഹം സംഗീതം നൽകി. ‘പൈതൃകം’ എന്ന സിനിമയ്ക്ക് മികച്ച സംഗീത സംവിധായകനുള്ള സംസ്ഥാന ചലച്ചിത്ര അവാര്ഡ് നേടിയിട്ടുണ്ട്.
1955 മാർച്ച് അഞ്ചിന് തമിഴ്നാട്ടിൽ ആണ് ജനനം. പിതാവ് പഴനി മാൻഡലിൻ വാദകനായിരുന്നു.
