സംസ്ഥാനത്ത് ആർട്ടിഫിഷ്യൽ ഇൻ്റലിജൻസ് സംവിധാനം ഉപയോഗിച്ച് ഇരട്ട വോട്ടുകൾ കണ്ടെത്തുമെന്ന് മുഖ്യ തെരഞ്ഞെടുപ്പ് ഓഫീസർ രത്തൻ യു. ഖേൽക്കർ. വോട്ടർമാരുടെ വ്യക്തി വിവരങ്ങൾ ഉപയോഗിച്ചും ഫോട്ടോ ഉപയോഗിച്ചുമാണ് എഐ ഇരട്ട വോട്ടുകൾ കണ്ടെത്തുക. ഇരട്ട വോട്ട് ശ്രദ്ധയിൽപ്പെട്ടാൽ പൊതുജനങ്ങൾക്കും പരാതി നൽകാമെന്നും രത്തൻ യു. ഖേൽക്കർ പറഞ്ഞു.
പൊതുജനങ്ങളുടെ പരാതികൾ പരിശോധിച്ച ശേഷം മാത്രമായിരിക്കും അന്തിമ വോട്ടർ പട്ടിക പ്രസിദ്ധീകരിക്കുകയെന്നും മുഖ്യ തെരഞ്ഞെടുപ്പ് ഓഫീസർ വ്യക്തമാക്കി. എസ്ഐആർ വിവരശേഖരണം ആരംഭിച്ചതിന് പിന്നാലെ വെബ്സൈറ്റ് പണിമുടക്കിയതിലും രത്തൻ യു.ഖേൽക്കർ പ്രതികരിച്ചു.
