ന്യൂയോര്‍ക്ക് : ന്യൂയോര്‍ക്ക് സൂപ്പര്‍മാര്‍ക്കറ്റിലെ ഒരു ജീവനക്കാരന്‍ 1500 പൗണ്ട് മാംസം പാന്റിനുള്ളില്‍ ഒളിച്ചുകടത്തിയത് കണ്ടെത്തിയതിനെ തുടര്‍ന്ന് പോലീസ് പിടിയിലായി.
ഗ്രിഗറി റോഡ്രീഗസ് എന്ന ജീവനക്കാരനാണ് ഈ സാഹസത്തിന് മുതിര്‍ന്നത്.
ഒറ്റ ദിവസമാണ് ഇത്രയും മാംസം പുറത്തു കടത്തിയതെന്ന് സ്റ്റേറ്റ് പോലീസ് സ്‌പോക്ക് വുമണ്‍ ട്രൂപ്പര്‍ മെലീസ പറഞ്ഞു. ഒറ്റ ട്രിപ്പിലാണോ എന്ന് അറിയില്ലെന്നും മെലീസ കൂട്ടിചേര്‍ത്തു.
അറസ്റ്റു ചെയ്ത പ്രതിയെ പോലീസ് ഒക്‌ടോ.3 വെള്ളിയാഴ്ച കോടതിയില്‍ ഹാജരാക്കി.
സൂപ്പര്‍ മാര്‍ക്കറ്റില്‍ കഴിഞ്ഞ അഞ്ചു വര്‍ഷമായി ജോലി ചെയ്ത് വരികയായിരുന്നു ഗ്രിഗറി. ഭാര്യയും നാലുമക്കളുമടങ്ങുന്ന കുടുംബത്തിന്റെ നാഥനാണ് ഗ്രിഗറി.
Comments