ജാക്ക്‌സണ്‍വില്ല(ഫ്‌ളോറിഡ): മിസ്സിസ് സൗത്ത് ഏഷ്യ ഇന്റര്‍ നാഷ്ണല്‍ 2015 സൗന്ദര്യറാണിയായി പ്രിയങ്ക ഗുപ്ത തിരഞ്ഞെടുക്കപ്പെട്ടു. ഐ.ടി. പ്രോജക്റ്റ് മാനേജരായി പ്രവര്‍ത്തിക്കുന്ന പ്രിയങ്ക അടുത്തവര്‍ഷം ജൂലായ് 24, 25 തിയ്യതികളില്‍ നടക്കുന്ന മിസ്സിസ് ഇന്റര്‍നാഷ്ണല്‍ 2015 മത്സരങ്ങളില്‍ സൗത്ത് ഏഷ്യയെ പ്രതിനിധീകരിക്കും.
ഇന്ത്യയിലെ വിവാഹിതരായ സ്ത്രീകളുടെ ജീവിതത്തില്‍ കൈവരിച്ച നേട്ടങ്ങളും, കുടുംബത്തോടും, വിവാഹ ജീവിതത്തോടുമുള്ള അവരുടെ പ്രതിബന്ധതയും, ലോകത്തിലെ സ്ത്രീകള്‍ മാതൃകയായി സ്വീകരിക്കാനുതകുന്ന ബോധവല്‍ക്കരണ പ്രവര്‍ത്തനങ്ങല്‍ക്ക് നേതൃത്വം കൊടുക്കുക എന്നതാണ് തന്റെ ലക്ഷ്യമെന്ന് ഇന്ത്യന്‍ അമേരിക്കന്‍ വംശജയായ പ്രിയങ്ക പറഞ്ഞു.
2013 ല്‍ അറ്റ്‌ലാന്റയില്‍ നടന്ന മിസ്സിസ് ഇന്ത്യ ഇന്റര്‍ നാഷ്ണല്‍ സൗന്ദര്യ മത്സരത്തില്‍ വിജയകിരീടം നേടിയിരുന്നു.
ഇന്ത്യയില്‍ നിന്നും ആറുവര്‍ഷം മുമ്പാണ് പ്രിയങ്ക ഗുപ്ത അമേരിക്കയില്‍ എത്തിയത്. കാലിഫോര്‍ണിയ, ഫ്രിമോണ്ടില്‍ നിന്നും ഈയ്യിടെയാണ് ഫ്‌ളോറിഡാ മയാമിയിലേക്ക് താമസം മാറ്റിയത്.
Comments