ന്യൂയോര്‍ക്ക് : സെവന്‍ത് ഡെ അഡ്വന്റിസ്റ്റ് ചര്‍ച്ച് സമൂഹ നന്മക്കായ് നടത്തുന്ന പ്രവര്‍ത്തനങ്ങളെ യു.എന്‍. സെക്രട്ടറി ജനറല്‍ ബാണ്‍ കി മൂണ്‍ മുക്ത കണ്ഠം പ്രശംസിച്ചു. ഏപ്രില്‍ ആറിന് ന്യൂയോര്‍ക്കിലുള്ള യുണൈറ്റഡ് നാഷണ്‍സ് ആസ്ഥാനത്ത് അഡ്വന്റിസ്റ്റ് ചര്‍ച്ച് പ്രസിഡന്റ് ടെഡ് എന്‍.സി.വില്‍സന്‍ സെക്രട്ടറി ജനറലുമായി നടന്ന കൂടികാഴ്ചയിലാണ് മൂണ്‍ അഭിപ്രായ പ്രകടനം നടത്തിയത്. വിവിധ രാജ്യങ്ങളില്‍ യു.എന്‍. നടത്തുന്ന സാമൂഹ്യ ക്ഷേമ പ്രവര്‍ത്തനങ്ങളില്‍ ഭാഗഭാക്കുകളാകണമെന്ന് ബാണ്‍ കി മൂണ്‍ ചര്‍ച്ച് പ്രസിഡന്റിനോട് അഭ്യര്‍ത്ഥിച്ചു ജനങ്ങളുടെ ഇടയില്‍ മത സഹിഷ്ണുത കുറഞ്ഞുവരുന്നതില്‍ ഇരുനേതാക്കളും ആശങ്ക പ്രകടിപ്പിച്ചു.
യു.എന്‍. അണ്ടര്‍ സെക്രട്ടറി ജനറലും, സെവന്‍ത് ഡെ ചര്‍ച്ചുമായി അടുത്ത സുഹൃദ ബന്ധവും ജോസഫ് വെര്‍ണര്‍ റീഡാണ് ഇരു നേതാക്കളും തമ്മിലുള്ള കൂടികാഴ്ചക്ക് അവസരം ഒരുക്കിയത്.
സെവന്‍ത് ഡെയുടെ പ്രസിഡന്റ് ആദ്യമായാണ് യു.എന്‍.സെക്രട്ടറി ജനറലുമായി ലോക ജനത ഇന്നഭിമുഖീകരിക്കുന്ന വിവിധ വിഷയങ്ങളെ കുറിച്ചു ചര്‍ച്ച നടത്തുന്നത്.
മനുഷ്യസമൂഹം എവിടെ കഷ്ടത അനുഭവിക്കുന്നുണ്ടോ അവിടെ സഹായ ഹസ്തവുമായി ഓടിയെത്തുന്നതിന് സെവന്‍ത് ഡെ ചര്‍ച്ച് പ്രതിജ്ഞാ ബന്ധമാണെന്ന് പ്രസിഡന്റ് വില്‍സന്‍ പറഞ്ഞു.
കെനിയന്‍ യൂണിവേഴ്‌സിറ്റിയില്‍ ഇസ്ലാമിക്ക് മിലിട്ടന്റ് ഗ്രൂപ്പു 148 പേരെ കൊലപ്പെടുത്തിയതിലും, ഇറാക്ക്, സിറിയ നൈജീരിയ, ലിബിയ എന്നീ രാജ്യങ്ങളില്‍ ഭീകരര്‍ ക്രിസ്ത്യാനികള്‍ക്കു നേരെ നടത്തുന്ന അക്രമ സംഭവങ്ങളിലും ഇരു നേതാക്കളും ആശങ്കാകുലരാണ്. സെവന്‍ത് ഡേ ചര്‍ച്ചിനെ പ്രതിനിധീകരിച്ചു ഗമോണ്‍ ഡയോപ്, ജോണ്‍ ഗ്രാസ് എന്നിവരും ചര്‍ച്ചകളില്‍ പങ്കെടുത്തു.
Comments