ഹാനോവര്‍(എം.ഡി.): ഡങ്കിള്‍ ഡോണറ്റിലെ ജോലിക്കാരിയായ 21 വയസ്സുള്ള പലക്ക് പട്ടേല്‍(Palak Patel) എന്ന യുവതിയെ തലയ്ക്കടിച്ചു കൊലപ്പെടുത്തിയ ശേഷം രക്ഷപ്പെട്ട ഭര്‍ത്താവ് ബദ്രേഷ്‌കുമാര്‍ ചേതന്‍ഭായ് പട്ടേല്‍ എന്ന 24ക്കാരനെ കണ്ടെത്തുന്നതിനുള്ള തിരച്ചല്‍ പോലീസ് ഊര്‍ജ്ജിതപ്പെടുത്തി.മേരിലാന്റിലെ ഹാനോവര്‍ മില്‍സ് ബിലവഡല്‍ സ്ഥിതിചെയ്യുന്ന ഡങ്കിന്‍ ഡോണറ്റ് കട ഞായറാഴ്ച(ഇന്നലെ) തുറക്കാനിരുന്നതിനെ തുടര്‍ന്ന് പോലീസ് നടത്തിയ അന്വേഷണത്തില്‍ കടയ്ക്കകത്തു തലക്ക് മാരകമായി മുറിവേറ്റ് മരിച്ചുകിടക്കുന്ന പലക്കിനെയാണഅ കണ്ടെത്തിയത്.ഇന്ന് ഏപ്രില്‍ 13ന് ആന്‍ അരുങ്ങല്‍ കൗണ്ടി പോലീസ് വക്താവ് ജസ്റ്റിന്‍ മാധ്യമങ്ങളോടു വെളിപ്പെടുത്തിയതാണീ വിവരം.കടക്ക് സമീപമുള്ള അപ്പാര്‍ട്ട്‌മെന്റിലാണ് ഇരുവരും താമസിച്ചിരുന്നത്. കുടുംബ കലഹത്തെ തുടര്‍ന്നുളള കൊലപാതകമാകാം എന്നാണ് പോലീസ് കരുതുന്നത്. പ്രതി സമീപ പ്രദേശത്ത് ഉണ്ടാകും എന്നാണ് പോലീസ് നിഗമനം.പട്ടേലിനെ കണ്ടെത്താന്‍ പോലീസ് പൊതുജനങ്ങളുടെ സഹായം അഭ്യര്‍ത്ഥിച്ചു. സംഭവത്തെകുറിച്ചു വിവരം ലഭിക്കുന്നവര്‍ പോലീസ് ഡിറ്റക്ടീവ് കെല്ലി ഹാര്‍ഡിങ്ങിനെ 410222 4743 എന്ന നമ്പറിലോ, ടിപ് ലൈന്‍ 410 222 4700 നമ്പറിലോ ബന്ധപ്പെടണമെന്നഭ്യര്‍ത്ഥിച്ചിട്ടുണ്ട്.
Comments