ഹാരിസ്‌കൗണ്ടി(ഹൂസ്റ്റണ്‍): കുടുംബ കലഹത്തെ തുടര്‍ന്ന് നാലുകുട്ടികള്‍ ഉള്‍പ്പെടെ 6 പേര്‍ വെടിയേറ്റു മരിച്ച സംഭവം ഇന്ന് ബുധനാഴ്ച(വൈകീട്ട് 6 മണിക്ക് ഹൂസ്റ്റണ്‍ ഹാരിസ് കൗണ്ടിയില്‍ നിന്നും റിപ്പോര്‍ട്ട് ചെയ്യപ്പെട്ടു.പോലീസിന് ലഭിച്ച സന്ദേശമനുസരിച്ച് കലഹം നടന്ന വീട്ടില്‍ എത്തിയ പോലീസ് മൂന്ന് കുട്ടികളും, രണ്ടു മുതിര്‍ന്നവരും വെടിയേറ്റു മരിച്ചു കിടക്കുന്നതാണ് കണ്ടത്. ഗുരുതരമായി പരിക്കേറ്റു മറ്റൊരു കുട്ടിയെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. 5 മുതല്‍ 40 വയസ്സു പ്രായമുള്ളവരാണ് കൊല്ലപ്പെട്ടവര്‍. തലക്ക് വെടിയേറ്റ ഒരു യുവതിയാണ് പോലീസിനെ 911 ല്‍ വിളിച്ചു അറിയിച്ചത്.വെടിവെച്ചുവെന്നു സംശയിക്കപ്പെടുന്ന മുപ്പതു വയസ്സുക്കാരനെ പോലീസ് പിന്തുടര്‍ന്ന് പിടികൂടി. മൂന്ന് മൈല്‍ ദൂരം കാറുമായി പാഞ്ഞ പ്രതിയെ ഇരുപതോളം പോലീസ് വാഹനങ്ങള്‍ ചേര്‍ന്നാണ് തടഞ്ഞുനിര്‍ത്തിയത്.ഹാരിസ് കൗണ്ടി അസിസ്റ്റന്റ് ചീഫ് ഡെപ്യൂട്ടി കോണ്‍സ്റ്റബിള്‍ മാര്‍ക്ക് ഹെര്‍മന്‍ എഴുതി തയ്യാറാക്കി പത്രങ്ങള്‍ക്കു നല്‍കിയ കുറിപ്പിലാണ് ഈ വിവരങ്ങള്‍ വെളിപ്പെടുത്തിയിരിക്കുന്നു. മരിച്ചവരുടെ വിവരങ്ങള്‍ പോലീസ് പുറത്തുവിട്ടിട്ടില്ല. തലയ്ക്ക് വെടിയേറ്റ യുവതി ഗുരുതരാവസ്ഥയില്‍ കഴിയുന്നതായും പോലീസ് അറിയിച്ചു. കൂടുതല്‍ അന്വേഷണം നടന്നുവരുന്നു.
Comments