കാലിഫോര്‍ണിയ: നവംബര്‍ 8 ന് നടക്കുന്ന അമേരിക്കന്‍ പൊതു തിരഞ്ഞെടുപ്പിനോടനുബന്ധിച്ചുള്ള ഏര്‍ലി വോട്ടിംഗ് ഇന്നു മുതല്‍ (ഒക്ടോബര്‍ 10) മുതല്‍ ആരംഭിച്ചു. അമേരിക്കയില്‍ ആദ്യമായി ഏര്‍ലി വോട്ടിംഗ് ആരംഭിച്ചത് സാന്‍ഡിയാഗൊ കൗണ്ടിയിലാണ് കേര്‍ണി മെസ 5600 ഓവര്‍ലാന്റ് അവന്യൂവിലുള്ള രജിസ്ട്രാര്‍ ഓഫ് വോട്ടേഴ്‌സ് ഓഫീസില്‍ എല്ലാ ദിവസവും രാവിലെ 8 മുതല്‍ 5 വരെ വോട്ട് രേഖപ്പെടുത്തുന്നതിനുള്ള അവസരം ഉണ്ടായിരിക്കും. മെസില്‍- ഇന്‍- ബാലറ്റിന് അപേക്ഷ നല്‍കണമെന്ന് തിരഞ്ഞെയുപ്പ് അധികൃതര്‍ വോട്ടര്‍മാരോട് അഭ്യര്‍ത്ഥിച്ചിട്ടുണ്ട്. ഇതിനകം ഏകദേശം 960000 ബാലറ്റുകള്‍ വോട്ടര്‍മാര്‍ക്ക് അയച്ചു കഴിഞ്ഞിട്ടുണ്ട്. നവംബര്‍ 1 വരെ അപേക്ഷ നല്‍കുന്നതിനുള്ള അവസരം ഉണ്ടെന്നും അധികൃതര്‍ അറിയിച്ചു.